Հայաստանի մշտական բնակչության թիվն ապրիլի 1-ի դրությամբ կրճատվել է

ԵՐԵՎԱՆ, 29 ապրիլի. /Նովոստի-Արմենիա/. Հայաստանի մշտական բնակչության թիվը 2017 թվականի ապրիլի 1-ի դրությամբ 2011 թվականի մարդահամարի հիման վրա տարվող ընթացիկ հաշվառման տվյալներով, կազմել է 2 981,5: Այդ մասին են վկայում հանրապետության ազգային վիճակագրական ծառայության նախնական տվյալները:

Հայաստանի բնակչության թիվը 2017 թվականի ապրիլի 1-ի դրությամբ նախորդ տարվա նույն ժամանակահատվածի համեմատ նվազել է 12.9 հազար մարդով կամ 0.4 տոկոսով: Իսկ տարեսկզբի համեմատ բնակչության թիվը նվազել է 4.6 հազարով, ինչը պայմանավորված է բնակչության բնական հավելաճի (0.5 հազար մարդ) նկատմամբ 5.1 հազար մարդ կազմող միգրացիոն բացասական սալդոյի գերազանցմամբ:

Ազգային վիճակագրական ծառայության համաձայն, Հայաստանի քաղաքական բնակչության թիվը 2017 թվականի մարտի վերջի դրությամբ նվազել է 5.7 հազարով՝ մինչև 1899 հազար մարդ, ընդ որում՝ Երևանի բնակչությունը կրճատվել է 2.2 հազար մարդով: Գյուղական բնակավայրերում բնակչության թիվը նվազել է 7.2 հազարով՝ մինչև 1 082,5 հազար մարդ:

2017 թվականի հունվար-մարտին հանրապետությունում ծնված մարդկանց թիվը նվազել է 6.4 տոկոսով՝ մինչև 8 534: Միաժամանակ, հաշվետու ժամանակահատվածում մահացության դեպքերն աճել են 3.7 տոկոսով՝ կազմելով 8 037: -0-