Երևանը ռուսների համար ամենաէժան զբոսաշրջային ուղղությունների տասնյակում է

ԵՐԵՎԱՆ, 1 փետրվարի. /Նովոստի–Արմենիա/. Երևանը ռուսների համար 2016 թվականի ամենաէժան զբոսաշրջային ուղղությունների տասնյակում է` Oktogo.ru հյուրանոցների օնլայն նախապատվիրման ռուսական ռեսուրսի վարկանիշի համաձայն։



Վարկանիշը կազմվել է 2016 թվականի փետրվարի 1–ից մինչև դեկտեմբերի 31–ը կատարած նախապատվիրումների միջին օրական արժեքի տվյալներով։


Oktogo.ru–ի տվյալներով, Երևան են ժամանում միջինը 3.5 օրով։



Զբոսաշրջիկների համար թոփ–10 բյուջետային քաղաքների ցանկում են նաև Լեհաստանին Պոզնանն ու Կրակովը, Իսպանիայի Մալագան, Հորդանանի մայրաքաղաք Ամանը, Թբիլիսին, իտալական Պալերմոն, Բաքուն, Քիշնևը և Տաշքենդը։ Այս քաղաքներում ապրելն օրական արժե 10-22 դոլար։

Նյանչագ (Վիետնամ) և Կոտա Կինաբալու (Մալայզիա) հանգստավայրերը գլխավորում են 2016 թվականի արտասահմանյան ամենաէժան հանգստավայրերի տասնյակը։ Իսկ օրական 13-23 դոլար արժողությամբ հանգստավայրերի թոփ տասնյակում են նաև Բուլղարիայի (Սոլնեչնի բերեգ և Զոլոտիյե պեսկի), Պորտուգալիայի (Պարտիմաո), Մալթայի (Սլիմա) և Իսպանիայի (Լյորեթ դը Մար) հանգստավայրերը, ինչպես նաև Հունգարիայի (Խարքան), Վրաստանի (Բորժոմի) և Չեխիայի (Յանսկե Լազնե) առողջարանները։ -0-