Երևանի կենտրոնում երթևեկությունը ժամանակավորապես կդադարեցվի ՀԱՊԿ նստաշրջանի անցկացման կապակցությամբ

ԵՐԵՎԱՆ, 13 հոկտեմբերի. /Նովոստի–Արմենիա/. Հոկտեմբերի 14-ին Երևանում կայանալիք ՀԱՊԿ հավաքական անվտանգության խորհրդի նիստի անցկացման կապակցությամբ որոշակի ժամերի դադարեցվելու է տրանսպորտային միջոցների երթևեկությունը, հայտնում է Հայաստանի ոստիկանության մամուլի ծառայությունը։

Հաղորդման համաձայն, ժամը 08:00-ից - 10:00-ն և ժամը 12:00-ից - 14:00-ն - Հանրապետության հրապարակ «ՄԱՐԻՈԹ-ԱՐՄԵՆԻԱ» հյուրանոցային համալիրի մոտից - Վազգեն Սարգսյան փողոցով դեպի Շահումյան հրապարակ։

Ժամը 13:30-ից - 17:30-ն - Բաղրամյան պողոտա - Պռոշյան փողոցի խաչմերուկից մինչև Բաղրամյան պողոտա - Մոսկովյան փողոցի խաչմերուկ։

Ժամը 16:30-ից - 19:00-ն - Կորյուն - Տերյան փողոցների խաչմերուկից մինչև Սարալանջի - Տերյան փողոցների հատման հատվածը։

Ոստիկանությունը հայցում է համաքաղաքացիների ներողամտությունը պատճառած ժամանակավոր դժվարությունների համար։ -0-