Եղանակը կփչացնի Հայաստանի բնակիչների տրամադրությունը կիրակի օրը

ԵՐԵՎԱՆ, 1 ապրիլի. /Նովոստի–Արմենիա/. Պարզ եղանակ է սպասվում ապրիլի 1-2–ին և 4-5–ին Հայաստանի ողջ տարածքում, իսկ ապրիլի 3–ին հանրապետության մարզերում և Երևանում տեղումներ են սպասվում, հայտնում է Հայհիդրոմետկենտրոնը։

Քամին կլինի հյուսիս–արևմտյան` 2-7 մետր վայրկյան արագությամն, իսկ ապրիլի 3–ի ցերեկն առանձին վայրերում հնարավոր է քամու ուժգնացում մինչև 25-30 մետր վայրկյան։

Օդի ջերմաստիճանն ապրիլի 2–ին կբարձրանա 2-4 աստիճանով, իսկ ապրիլի 3–ի ցերեկը կնվազի 4-5 աստիճանով։

Երևանում ուրբաթ օդի ջերմաստիճանը կբարձրանա մինչև 14-18 աստիճան տաքություն, իսկ կիրակի և երկուշաբթի կնվազի մինչև 11-13 աստիճան տաքություն, երեքշաբթի կրկին կտաքանա մինչև 14-16 աստիճան։ -0-