ԵՐԵՎԱՆ, 13 հուլիսի./Նովոստի-Արմենիա/. Հայ-թուրքական սահմանին սկսվել են ականազերծման աշխատանքներ երրորդ երկրների քաղաքացիների համար սահմանի բացման շուրջ Երևանի և Անկարայի միջև պայմանավորվածությունների ֆոնին, հաղորդում է
Ինտերֆաքսը՝ հղում անելով GazeteKars թուրքական թերթին:
«Հայաստանի և Թուրքիայի սահմանին ականազերծման աշխատանքներ են սկսվել: Այն իրականացնում է իսրայելական ընկերություն», - նշվում է հաղորդագրության մեջ:
Աշխատանքներն իրականացվում են արդեն 20 օր թուրքական Կարսի շրջանում:
Загружается новость ... "Лево"
Փաշինյան-Էրդողան զրույցի մասին
ՀՀ վարչապետ Նիկոլ Փաշինյանը հուլիսի 11-ին հեռախոսազրույց է ունեցել Թուրքիայի նախագահ Ռեջեփ Թայիփ Էրդողանի հետ։Նա շնորհավորել է Թուրքիայի նախագահին Կուրբան Բայրամի առթիվ, իսկ Թուրքիայի նախագահը շնորհավորել է Հայաստանի վարչապետին գալիք Վարդավառի՝ Հիսուս Քրիստոսի Պայծառակերպության տոնի առթիվ։
Ղեկավարներն ընդգծել են իրենց երկրների միջև հարաբերությունների կարգավորման երկկողմ գործընթացի կարևորությունը, ինչը կնպաստի նաև տարածաշրջանում խաղաղության և կայունության ամրապնդմանը։–0–
