ԵՐԵՎԱՆ, 16 դեկտեմբերի./Նովոստի–Արմենիա/. Դեկտեմբերի 15-ին, ժամը 13.40-ին, ոստիկանության Երևան քաղաքի վարչության ՊՊԾ գնդի 1-ին գումարտակի 1-ին վաշտի ծառայողները Հանրապետության հրապարակից Կենտրոնական բաժին են ներկայացրել Ավստրալիայի քաղաքացու, որը հաղորդում է տվել, որ դեկտեմբերի 14-ին, ժամը 18.15-ին, «Զվարթնոց» օդանավակայանի ժամանման սրահում տաքսիների մենեջեր ներկայացած անձը իրեն օդանավակայանից Ամիրյան փողոցում գտնվող հյուրանոց տաքսիով ճանապարհելու համար, վերցրել է 30.000 դրամ, հաղորդում է ՀՀ ոստիկանության մամուլի ծառայությունը։
Ոստիկանության ծառայողները, իրացնելով օպերատիվ տվյալները, պարզել են, որ նշված տղամարդը Արմավիրի մարզի Փարաքար գյուղի 29-ամյա բնակիչ է, որը ոստիկանների բացատրական աշխատանքի շնորհիվ նույն օրը, ժամը 17.55-ին, ներկայացել է բաժին և տվել խոստովանական բացատրություն: Կատարվում է քննություն:
Օրերս հայ հասարակությունը բուռն քննարկում էր հայաստանցի տաքսիստի հետ կապված սկանդալը, ով 34 հազար դրամ էր վերցրել գերմանացի զբոսաշրջիկից «Զվարթնոց» օդանավակայանից Հանրապետություն Հրապարակ տանելու համար։ Այս աղմկահարույց միջադեպին արձագանքել էր նաև «Զվարթնոց» օդանավակայանը։ Ոստիկանությունը հաշված օրերում
պարզեց տաքսիստի
ինքնությունը։–0–
