Երևանում 42-ամյա ջերմաստիճանային ռեկորդ է սպասվում

ԵՐԵՎԱՆ, 3 հունիսի./Նովոստի-Արմենիա/. ՀՀ ՇՄՆ Հիդրոօդերևութաբանության և մոնիթորինգի կենտրոնը ներկայացրել է առաջիկա օրերի եղանակի կանխատեսումը:

Այսպես, հանրապետության տարածքում հունիսի 3-7-ւ կեսօրից հետո առանձին շրջաններում սպասվում է կարճատև անձրև և ամպրոպ: Առանձին հատվածներում սպասվում է նաև կարկուտ:

Քամին՝ հարավարևմտյան 2-5մ/վրկ, ամպրոպի ժամանակ սպասվում է քամու ուժգնացում՝ 15-20մ/վրկ արագությամբ:

Օդի ջերմաստիճանը հունիսի 3-5-ն աստիճանաբար կբարձրանա 3-5 աստիճանով:

Երևանում առաջիկա հինգ օրը տեղումներ չեն սպասվում:

Այսօր ցերեկը կանխատեսվում է +33...+35 աստիճան: Այդ օրն առավելագույն ջերմաստիճանը գրանցվել է 1980թ.-ին՝ +34,4 աստիճան:

Երեքշաբթի արդեն Երևանում սպասվում է +35...+37:-0-