ԵՐԵՎԱՆ, 28 դեկտեմբերի./Նովոստի–Արմենիա/. Երևանի քաղաքապետ Հրաչյա Սարգսյանը մեկնաբանել է իր հարաբերությունները նախկին քաղաքապետ Հայկ Մարությանի հետ։
Նա նշել է, որ Մարությանի հետ ունեցել է նորմալ, գործընկերային հարաբերություններ։
«Կարծում եմ, որ մեր գործընկերային հարաբերությունները կշարունակվեն», – նշել է Սարգսյանը «Ազատություն» ռ/կ–ին տված հարցազրույցում։
Загружается новость ... "Лево"
Անդրադառնալով Մարությանի և իր հարաբերությունների միջև խզվածքի առաջացմանը` Սարգսյանը նշել է, որ որպես այդպիսին խզվածք չի եղել։
«Իհարկե, տարբեր աշխատանքների շրջանակներում տարբեր մոտեցումներ ենք ունեցել, բայց որպես այդպիսին խզվածություն պարոն Մարությանի հետ չի եղել», – ասել է Սարգսյանը։
Նա մեկնաբանել է նաև Մարությանի հետ տեղի ունեցած գործընթացը, ըստ որի` նա Ավագանու ընտրության արդյունքում հեռացվեց քաղաքապետի պաշտոնից, քանի որ դուրս էր եկել «Քաղաքացիական պայմանագիր» կուսակցությունից, բայց «Իմ քայլը» դաշինքից դուրս չէր եկել։ Ի դեպ, Սարգսյանն էլ դուրս է եկել «Առաքելություն» կուսակցությունից։
«Մեր տարբերությունը կայանում է նրանում, որ պարոն Մարությանի դեպքում խզվածություն կար օրենսդիր և գործադիր իշխանության հետ, Ավագանու միջև, և որպես այդպիսին` այդ խզվածությունը հնարավորություն չէր ընձեռում, որպեսզի արդյունավետ կառավարում լիներ», – ասել է Սարգսյանը։
«Ես գոհ եմ Հայկ Մարությանից, մենք ծրագրերը միասին ենք իրականացրել։ Այդ ծրագրերը թիմային աշխատանքի արդյունք էին, նույն ավտոբուսների, աղբահանության, մանկապարտեզների վերանորոգման, Հյուսիս–Հարավ ճանապարհի խնդիրը։ Դա թիմային աշխատանք է, չենք կարող ասել, որ դա մի հոգու աշխատանք է», – ասաց Սարգսյանը։
Մարությանի շուրջ ստեղծված իրավիճակը
Դեկտեմբերի 22-ին Հայկ Մարությանը հեռացվեց Երևանի քաղաքապետի պաշտոնից Ավագանու գաղտն քվեարկության արդյունքում: Նույն քվեարկությամբ նրա փոխարեն նշանակվեց առաջին փոխքաղաքապետ, Ավագանու անդամ Հրաչյա Սարգսյանը:
Մարությանն առաջիններից մեկն էր, ով 2018թ.-ին աջակցում էր հեղափոխությանը: Նա հեղափոխությունից հետո առաջինն էր, ով շրջանառության մեջ դրեց հասարակությանը «սպիտակների» և «սևերի» բաժանելու երևույթը: Մասնավորապես, «Իմ քայլը» դաշինքի բարեգործական միջոցառման ժամանակ, որի ընթացքում 2018թ.-ի սեպտեմբերի 2-ին միջոցներ էին հավաքվում նախընտրական արշավի համար Երևանի Ավագանու խորհրդի ընտրությունների շրջանակում Մարությանը հայտարարեց, որ նրանք լուսավոր ուժ են, իսկ ովքեր չեն ցանկանում իրենց հաղթանակը, սևեր են:
Փաշինյանի և Մարությանի հարաբերությունները փչացան Արցախյան պատերազմից հետո, երբ քաղաքապետը սկսեց հեռու պահել իրեն աջակցող քաղաքական ուժից: Բազմիցս խոսակցություններ էին շրջանառվում Մարությանի հրաժարականի մասին, ինչպես նաև նշվում էր, որ իշխանություններն այդ պաշտոնին կառաջադրեն իրենց թեկնածուին:-0-
