ԵՐԵՎԱՆ, 1 ապրիլի./Նովոստի–Արմենիա/. Երևանի կենդանաբանական այգին սկսում է «Գրիր կենդանուն՝ գրիր ընկերոջդ» նախագիծը։
Ունե՞ք Կենդանաբանական այգում սիրելի կենդանի։ Գրեք նամակ նրան։ Սա հրաշալի զբաղմունք է մեծ ու փոքր երեխաների առօրյան կազմակերպելու համար։
Միգուցե արդեն ձեռք եք բերել գիտելիքներ որոշ կենդանիների մասին կամ ունեք երազանքներ, մաղթանքներ։
«Եկեք լինենք միասին՝ անտեսելով տարածությունը։ Մնում եք տանը, գրում եք նամակ և ուղարկում մեր ֆեյսբուքյան էջին կամ yerevanzoo2020@gmail.com էլ. հասցեին»։ Լավագույն նամակները, ձեր համաձայնությամբ, կտեղադրենք մեր ֆեյսբուքյան էջում։ Դրանք կարդալու ենք նաև ձեր սրտի կենդանիների համար, կլինեն անակնկալներ», – նշում են այգուց։
Աշխարհում այս օրերին փակված կենդանաբանական այգիները տարբեր նախագծեր են առաջարկում մարդկանց կյանքը հետաքրքիր դարձնելու համար։
Երևանի կենդանաբանական այգին էլ միանում է դրանցից մեկին և հուսով է մեծ բավականություն ստանալ մասնակցություն ունենալով։–0–