Սուրենյանը նշել է` երբ են հայաստանցիներին սպասվում արևոտ օրեր

ԵՐԵՎԱՆ, 7 նոյեմբերի./Նովոստի–Արմենիա/. Հիդրոօդերևութաբանության և մոնիտորինգի կենտրոնի տնօրենի տեղակալ Գագիկ Սուրենյանը հայտնել է, թե երբ են հայաստանցիներին սպասվում արևոտ օրեր։

«Վաղվանից 5 օր նորից արև», – գրել է նա Facebook–յան իր էջում։

Հայպետհիդրոմի հաղորդմամբ, նոյեմբերի 7-ի գիշերը շրջանների զգալի մասում, 7-ի ցերեկն առանձին շրջաններում ժամանակ առ ժամանակ սպասվում է անձրև և մառախուղ։ Նոյեմբերի 8-11-ը սպասվում է առանց տեղումների եղանակ:

Քամին՝ հյուսիսարևմտյան՝ 3-8 մ/վրկ:

Օդի ջերմաստիճանը նոյեմբերի 8-9-ի գիշերը կնվազի 6-8 աստիճանով։
Մայրաքաղաք Երևանում նոյեմբերի 7-ի ցերեկը, 8-11-ը սպասվում է առանց տեղումների եղանակ։ Այսօր ցերեկային ժամերին կանխատեսվում է +15...+17, գիշերը` +5...+7։–0–