ՔԿ նախագահի նախկին տեղակալը նշանակվել է ԱԱԾ տնօրենի տեղակալ` աշխատելով նախկին պաշտոնում ընդամենը մի քանի օր

ԵՐԵՎԱՆ, 31 մարտի./Նովոստի–Արմենիա/. Անդրանիկ Սիմոնյանը նշանակվել է ԱԱԾ տնօրենի տեղակալ։
ՀՀ նախագահը համապպատասխան հրամանագիրը ստորագրել է այսօր։

Նշենք, որ Անդրանիկ Սիմոնյանը մարտի 26–ին վարչապետի որոշմամբ նշանակվել էր ՔԿ նախագահի տեղակալի պաշտոնում, սակայն այսօր հրապարակված որոշմամբ ազատվել էր այդ պաշտոնից։

Սա առաջին անգամը չէ, որ Հայաստանի ուժային կառույցների ղեկավար կազմի շրջանակում իրականացվում են նման «էքսպրես տեղափոխումներ»։ Այսպես, ԱԱԾ նախկին տնօրեն Արգիշտի Քարամյանը (ով զբաղեցրել է այդ պաշտոնը 2020թ.–ի մայիսի 5–ից մինչև հոկտեմբերի 8–ը) անցած տարվա մայիսի 4–ին ազատվել է ՊՎԾ ղեկավարի տեղակալի պաշտոնից, նույն օրը նշանակվել ՔԿ նախագահի տեղակալի պաշտոնում։ Հաջորդ օրը` 2020թ.–ի մայիսի 5–ին, վարչապետը ստորագրել էր նոր որոշում, որի համաձայն` Քարամյանն ազատվել էր ՔԿ նախագահի տեղակալի պաշտոնից, իսկ նախագահը նույն օրը հրամանագիր էր ստորագրել Քարամյանին ԱԱԾ տնօրեն նշանակելու մասին։–0–