ԵՐԵՎԱՆ, 28 հունվարի./Նովոստի-Արմենիա/. ՀՀ փոխվարչապետ Մհեր Գրիգորյանը խոսել է այն մասին, թե ինչպես գազի սակագնի բարձրացումը կազդի բնակչության և բիզնեսի վրա:
Առաջին հերթին նա վերահաստատեց, որ սոցիալապես անապահով ընտանիքների համար գազի սակագինն այս տարի չի բարձրանա:
«Դուք գիտեք, որ գազի գինը ձևավորվում է մի քանի բաղադրիչներից, որոնցից ամենագլխավորը գինն է սահմանին: Հիմա կալորիականության հաշվին պոտենցիալ, հնարավոր հավելյալ ծախսը այնքան մեծ չէ, որ հնարավոր չլինի հարթել մնացած սակագնային պլանի մեջ», - ասաց փոխվարչապետը:
Գրիգորյանի խոսքով՝ բիզնեսի համար պետք է սպասել, թե Հանրային ծառայությունները կարգավորող հանձնաժողովի քննարկումների արդյունքում ինչ սակագնային պլան կմշակվի: Նա նշեց, որ այնքան մեծ է սահմանին ու աշխարհում գազի գնի տարբերությունը, որ, անկախ ամեն ինչից, մրցակցային որևէ շոկ չի լինի հայկական արտադրողի համար:-0-
Ծանոթացեք լուրերին առաջինն ու քննարկեք դրանք մեր Telegram-յան ալիքում