Ջերմուկում ձնաբքի պատճառով անհետացած պայմանագրային զինծառայողներից մեկի վիճակը միջին ծանրության է, փորձում են երկրորդին տարհանել. ՊՆ
23.03.2021,
09:24
Ջերմուկում ձնաբքի պատճառով անհետացած պայմանագրային զինծառայողներից մեկի վիճակը միջին ծանրության է, փորձում են երկրորդին տարհանել
ԵՐԵՎԱՆ, 23 մարտի./Նովոստի–Արմենիա/. Ջերմուկի զորամասից ձնաբքի պատճառով մարտի 21-ին անհետացած պայմանագրային զինծառայողներից մեկի վիճակը միջին ծանրության է, փորձում են երկրորդին տարհանել։
Այս մասին հաղորդում է news.am-ը` հղում անելով ՀՀ պաշտպանության նախարարությանը։
Նախարարությունից նշել են, որ երկրորդ զինծառայողի վիճակի մասին դեռ ոչինչ հայտնի չէ։
Հիշեցնենք, որ մարտի 22–ին ՊՆ–ն հայտնել էր, որ մարտի 21-ին, խիստ ձնաբքի պայմաններում, ՀՀ ԶՈՒ N զորամասի մարտական հենակետից մյուս հենակետ անցնելու ընթացքում կորել է կապը երկու պայմանագրային զինծառայողի հետ։ Նախօրեին ուշ երեկոյան հայտնիդարձավ, որ կորած երկու պայմանագրային զինծառայողների գտնվելու վայրը տեղորոշվել է։–0–
Պատճենել հղումը
