Հայտնի է, թե քանի օր են հանգստանալու հայաստանցիներն Ամանորին

ԵՐԵՎԱՆ, 16 դեկտեմբերի./Նովոստի–Արմենիա/. Ամանորյա արձակուրդները Հայաստանում կսկսվեն դեկտեմբերի 31–ին և կտևեն մինչև հունվարի 7–ը ներառյալ։

Այս մասին «Նովոստի–Արմենիա» գործակալությանը հայտնեց ՀՀ կառավարության հասարակայնության հետ կապերի վարչության պետի պաշտոնակատար Արմեն Խաչատրյանը։ 

«Քանի որ ոչ աշխատանքային օրերի մասին կառավարության նոր որոշում չի եղել, նախկին որոշման համաձայն` 2019թ.–ի վերջին աշխատանքային օրը կլինի դեկտեմբերի 30–ը, իսկ 2020թ.–ի առաջին աշխատանքային օրը` հունվարի 8–ը», – ասաց Խաչատրյանը։–0–