ԵՐԵՎԱՆ, 17 օգոստոսի./Նովոստի–Արմենիա/. Հայաստանում գրանցվում է երեխաների շրջանում կորոնավիրուսով հիվանդացության աճ, հայտարարել է ՀՀ ԱՆ Հիվանդությունների վերահսկման և կանխարգելման ազգային կենտրոնի Վարակիչ և ոչ վարակիչ հիվանդությունների համաճարակաբանության վարչության պետ Ռոմելլա Աբովյանը։
«Ցավոք, պետք է ասեմ, որ մանկապատանեկան խմբում, 0–18 տարեկանների խմբում, միջինը կա կորոնավիրուսով վարակվածության աճ` 1,5–ից մինչև 2,8։ Այսինքն, երեխաների շրջանում ունենք աճ (հիվանդացության)», – ասել է Աբովյանն «Ազատություն» ռ/կ–ի եթերում։
Օգոստոսի 17-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 235 171 դեպք, որոնցից 223 070-ն` առողջացած, 4713-ը` մահվան ելքով։–0–