545.52
6.37
482.55
+1
Եղանակը Երևանում
Հայ

Հայ Առաքելական Եկեղեցին նշում է Ս. Աստվածածնի Վերափոխման տոնը

13:04
15 Օգոստոսի 2021

ԵՐԵՎԱՆ, 15 օգոստոսի․/Նովոստի-Արմենիա/․ Հայ Առաքելական Սուրբ Եկեղեցին մեծ շուքով և հանդիսավորությամբ է նշում Ս. Աստվածածնի Վերափոխման տոնը: Այն Հայ Եկեղեցու հինգ տաղավար տոներից չորրորդն է և Տիրամորը նվիրված տոներից ամենահինը:

Ավանդության համաձայն՝ Ս. Կույսը Հիսուս Քրիստոսի խաչելությունից հետո շուրջ 12 տարի ապրում է Երուսաղեմում՝ Ս. Հովհաննես Ավետարանչի խնամատարության ներքո: Եվ մի օր Գաբրիել հրեշտակապետից ստանում է երկրից երկինք վերափոխման ավետիսը. «Ուրախացի՛ր, բերկրյալդ կանանց մեջ, քանզի քեզ կանչում է մեր Արարիչը, քո Միածին Որդին»: Սուրբ Աստվածածինն այս բարի լուրը հայտնում է իր ազգականներին, բոլոր քրիստոնյաներին և առաքյալներին` պատվիրելով իրեն թաղել Գեթսեմանիի ձորակում: Ապա Սուրբ Կույսը Ս. Հովհաննեսին խնդրում է մատուցել աստվածային Պատարագ, որպեսզի հաղորդվի իր Միածին Որդու Մարմնին ու Արյանը:

Այդժամ Ս. Հովհաննեսը Հիսուսի մայր Ս. Մարիամի և նրա ընկերակից կանանց հետ ելնում է Վերնատուն և այնտեղ կատարում Պատարագի սուրբ խորհուրդը: Մինչ նա մատուցում էր գոհության աղոթքը, հանկարծակի որոտ է լսվում, և Ս. Հովհաննեսին սկսում են ձայնակցել սուրբ առաքյալները, ում Սուրբ Հոգին նույն պահին ժողովել էր աշխարհի տարբեր ծայրերից:

Ս. Հովհաննես Ավետարանիչը վերցնում է կիպարիսի մի փայտ և դրա վրա կերպաձևում Ս. Տիրամոր պատկերը, որպեսզի նրա վերափոխումից հետո այդ սրբությունը մնա իրենց մոտ: Ապա առաքյալները խնդրում են Ս. Տիրամորը, որպեսզի նա փայտեղեն այդ անոթն իր աստվածատիպ դեմքի վրա դնի, օրհնի և իր բարեխոսությամբ խնդրի Տիրոջը, որպեսզի Նա այդ պատկերի միջոցով աշխարհին բարիքներ պարգևի: Ամենօրհնյալ Սրբուհին, պատկերն իր սուրբ ձեռքերի մեջ վերցնելով, օրհնում է՝ խաչակնքելով և իր դեմքին դնելով:

Երբ Ս. Կույսը ննջում է, նրա հոգին ելնում ու խառնվում է լուսեղեն զորքին, իսկ մահճում մնացած մարմինը չի այլակերպվում, այլ նրանից Սուրբ Հոգու շնորհն է բուրում անուշահոտ խնկի պես: Երանելի սուրբ առաքյալներն իրենց ուսերի վրա են վերցնում Աստվածամոր սուրբ նշխարները և ջահերով, մոմերով, սաղմոսերգությամբ ու օրհնությամբ առաջնորդվում դեպի Գեթսեմանի:

Օրհնյալ մարմինը դնում են գերեզման և, ինչպես հարկն է, պահպանում երեք օր: Այդ օրերին անընդհատ հրեշտակների քաղցրաձայն փառաբանության երգեր էին լսվում: Երեք օր հետո՝ առավոտյան, անմարմինների բանակներն իջնում են գերեզմանի վրա: Ապա մեր Տերը լուսափայլ ամպով ու հրեշտակներով մոտենում է Ս. Կույսի գերեզմանին և կնքված գերեզմանից, առանց կնիքը խախտելու, վերցնում է աստվածընկալ մարմինն ու վերանում երկինք:

Առաքյալներից մեկը՝ Ս. Բարդուղիմեոսը, Աստվածամոր ննջման և թաղման օրերին Երուսաղեմում չէր: Իսկ երբ նա գալիս ու իմանում է կատարվածը, խիստ վշտանում է, որ չի արժանացել Աստվածամոր տեսությանը և չի ընդունել վերջին օրհնությունը, ինչպես մյուս առաքյալները: Հետո աղաչում է Ս. Պետրոսին և մյուսներին իրեն ցույց տալ Աստվածածնի մարմինը: Առաքյալները ահուդողով աղոթք են անում ու հոժարելով կատարել իրենց եղբոր փափագը՝ բացում են գերեզմանը և այն դատարկ գտնում: Այնտեղ էին միայն Աստվածամոր պատանքները:

Առաքյալները գոհանում ու փառավորում են Աստծուն և կամենալով մխիթարել իրենց եղբորը՝ Ս. Բարդուղիմեոսին, նրան են տալիս Ս. Տիրամոր պատկերը: Այդժամ Ս. Թովմասը մի երգ է ձոնում Ս. Աստվածամորը, որը մինչև այսօր երգում ենք եկեղեցում. «Փառավորյալ և օրհնյալ միշտ սուրբ Կույս Աստվածածին Մարիամ՝ մայր Քրիստոսի, մատուցիր մեր աղաչանքները Քո Որդուն և մեր Աստծուն»: Քանզի Ս. Աստվածամայրը միշտ կենդանի է Աստծու առջև:

Խաղողօրհնեք

Վերափոխման տոնին՝ հավարտ Ս. Պատարագի, բոլոր եկեղեցիներում կատարվում է խաղողօրհնության կարգ: Բոլոր պտուղներից առավել օրհնվում է խաղողի ողկույզը, քանի որ Տերը խաղողի որթը ամենազորավոր ծառերից ավելի վեր բարձրացրեց և պատվեց առավել, քան մյուս տնկիները՝ Իրեն Խաղողի որթ անվանելով՝ ըստ այն խոսքի, թե. «Ես եմ ճշմարիտ որթատունկը» (Հովհ. 15:1):

Իսկ Տիրոջը սիրով կապվածներին ճյուղեր անվանեց և Հորը՝ Մշակ, որպեսզի Հայրը, էտելով որթատունկը՝ այն պտղաբեր դարձնի արդարության գործում, իսկ էտված ճյուղերը հավիտենական կրակի նյութ դարձնի:

Միածին Որդին Վերնատանը խորհրդավոր ընթրիքի ժամանակ գինին՝ խաղողի արյունը, Իր փրկական Արյան նյութը դարձրեց և Իր ձեռքերի մեջ վերցնելով՝ օրհնեց՝ ասելով. «Սա՛ է Նոր ուխտի Իմ Արյունը» (Մատթ. 26:28): Դրանով մենք գնվեցինք ու ազատվեցինք մեղքերի ծառայությունից ու մահից:

Partners News
Partners News
ԱՌԿԱ գործակալություն
Բաժնի այլ նյութեր
19:37
05 Հունվարի 2022
Հայ Առաքելական Եկեղեցին նշում է Սուրբ Ծննդյան Ճրագալույցը
Ճրագալույց նշանակում է ճրագ՝ մոմ, վառել (լուցանել): Այդ օրը երեկոյան մարդիկ եկեղեցում վառած ճրագներն իրենց հետ տուն են տանում: Այն խորհրդանշում է աստվածային լույս, եկեղեցու օրհնություն: Ճրագալույցը խորհրդանշում է նաև բեթղեհեմյան աստղի լույսը, որն առաջնորդեց մոգերին դեպի Հիսուս Մանուկը
15:45
05 Հունվարի 2022
Հայաստանում ծխախոտը պետք է «տակից» վաճառեն. ծխախոտ, ծխախոտի տուփ վաճառքի կետերում այլևս չեն երևալու (ՎԻԴԵՈ)
Հայաստանում ծխախոտը պետք է «տակից» վաճառեն. ծխախոտ, ծխախոտի տուփ վաճառքի կետերում այլևս չեն երևալու. ՎԻԴԵՈ
14:29
05 Հունվարի 2022
Ավանեսյանը նշել է, թե երբ ուժի մեջ կմտնի չպատվաստվածների համար հասարակական վայրեր այցելելու արգելքի մասին հրամանը
Ավանեսյանը նշել է, թե երբ ուժի մեջ կմտնի չպատվաստվածների համար հասարակական վայրեր այցելելու արգելքի մասին հրամանը
13:42
05 Հունվարի 2022
Կադաստրի կոմիտեն ներկայացրել է ինքնակամ կառույցների հաշվառման նոր կարգն ու չափագրման առցանց գրասենյակը
Կադաստրի կոմիտեն ներկայացրել է ինքնակամ կառույցների հաշվառման նոր կարգն ու չափագրման առցանց գրասենյակը
13:16
05 Հունվարի 2022
Այս պահին Հայաստանում գրիպով և ՍՇՎ-ով հոսպիտալացված է մոտ 600 մարդ, նրանց 95%-ը երեխաներ են. Ավանեսյան
Ավանեսյանը հայտնեց, որ այս պահին Հայաստանում գրիպով և ՍՇՎ-ով հոսպիտալացված է մոտ 600 մարդ, նրանց 95%-ը երեխաներ են
12:36
05 Հունվարի 2022
Հունվարի 1-ից ո՞ր կազմակերպությունից կարելի է կենսաթոշակ ստանալ անկանխիկ. պարզաբանում է նախարարությունը
Հունվարի 1-ից ո՞ր կազմակերպությունից կարելի է կենսաթոշակ ստանալ անկանխիկ. պարզաբանում է նախարարությունը
12:17
05 Հունվարի 2022
Պետք է կյանքի այս ռեժիմին սովորենք, մտադիր չենք որևէ փոփոխություն անել. Փաշինյանը՝ Ամանորյա ոչ աշխատանքային օրերի կրճատման մասին
Պետք է կյանքի այս ռեժիմին սովորենք, մտադիր չենք որևէ փոփոխություն անել. Փաշինյանը՝ Ամանորյա ոչ աշխատանքային օրերի կրճատման մասին
11:59
05 Հունվարի 2022
24 ժամ ջուր չի լինի Երևանի 4 վարչական շրջաններում և Արարատի մարզի մի շարք հասցեներում
24 ժամ ջուր չի լինի Երևանի 4 վարչական շրջաններում և Արարատի մարզի մի շարք հասցեներում
23:16
04 Հունվարի 2022
Թուրքական Pegasus-ը դիմել է ՀՀ քաղավիացիայի կոմիտեին՝ Երևան-Ստամբուլ չվերթ իրականացնելու հայտով
Թուրքական Pegasus-ը դիմել է ՀՀ քաղավիացիայի կոմիտեին՝ Երևան-Ստամբուլ չվերթ իրականացնելու հայտով
22:53
04 Հունվարի 2022
Պարզվել են դեկտեմբերի 31-ին ժամկետային զինծառայողի մահվան հանգամանքները, նրա համածառայակիցը կալանավորվել է
Պարզվել են դեկտեմբերի 31-ին ժամկետային զինծառայողի մահվան հանգամանքները, նրա համածառայակիցը կալանավորվել է
22:27
04 Հունվարի 2022
Կրասնոյարսկ-Երևան օդանավում մաքրուհին 199 հազար ռուբլի է գտել
Կրասնոյարսկ-Երևան օդանավում մաքրուհին 199 հազար ռուբլի է գտել
13:09
04 Հունվարի 2022
Հայաստանում COVID-19-ի դեմ առկա պատվաստանյութերն համալրվել են ևս մեկով. այն նախատեսված է միայն խթանիչ պատվաստման համար
Հայաստանում COVID-19-ի դեմ առկա պատվաստանյութերն համալրվել են ևս մեկով. այն նախատեսված է միայն խթանիչ պատվաստման համար