ՀՀԿ–ն, «Իմ քայլը» դաշինքը և մի շարք այլ կուսակցություններ ֆինանսական օգնություն կստանան ՀՀ կառավարությունից

ԵՐԵՎԱՆ, 21 փետրվարի./Նովոստի–Արմենիա/. ՀՀ կառավարությունը հինգշաբթի նիստի ժամանակ որոշել է ֆինանսական աջակցություն տրամադրել այն կուսակցություններին, որոնք հաղթահարել են 3%–անոց շեմը 2018թ.–ի դեկտեմբերի 9–ին կայացած խորհրդարանական ընտրությունների արդյունքում։

Կառավարության որոշմամբ, «Կուսակցությունների մասին» օրենք համաձայն` ֆինանսական աջակցության ընդհանուր ծավալը կազմել է 103,7 մլն դրամ (մոտ 212,6 հազար դոլար), որոնք բաշխվել են 5 կուսակցությունների և դաշինքնեի միջև` ստացված ձայների թվին համապատասխան։

Այսպիսով, խորհրդարան անցած «Իմ քայլը» դաշինքը ստացել է 78 մլն դրամի չափով (159,9 հազար դոլար) ֆինանսական աջակցություն, ԲՀԿ–ն` 9,1 մլն դրամ (18,6 հազար դոլար) , ԼՀԿ–ն` 7 մլն դրամ (14,3 հազար դոլար)։