ԵՐԵՎԱՆ, 2 մարտի./Նովոստի–Արմենիա/. Վաղվանից սկսած ունենք երեք արևառատ ու տաք օրեր, ջերմաստիճանը բոլոր մարզերում բարձրանում է 5-7 աստիճանով, հայտնում է ՀՀ ԱԻՆ հիդրոմետ ծառայության օդերևութաբանության կենտրոնի պետ Գագիկ Սուրենյանը։
«Մարտի 6-ից որոշակի ամպում է, բայց օդի ջերմաստիճանը չի նվազում», – նշել է օդերևութաբանը։
Հայպետհիդրոմետի հաղորդմամբ, մարտի 2-ին հանրապետության կենտրոնական և հարավային շրջաններում սպասվում են տեղումներ, լեռնային շրջաններում ձյան, նախալեռնային շրջաններում թաց ձյան, հովտային գոտում՝ անձրևի տեսքով: Մարտի 3-6-ը սպասվում է առանց տեղումների եղանակ։
Քամին՝ հարավ-արևմտյան՝ 3-8 մ/վ:
Օդի ջերմաստիճանը մարտի 3-6-ն աստիճանաբար կբարձրանա 4-6 աստիճանով:
Մայրաքաղաք Երևանում մարտի 2-ին սպասվում է անձրև: Մարտի 3-6-ը սպասվում է առանց տեղումների եղանակ։ Այսօր ցերեկային ժամերին Երևանում սպասվում է +9...+11 աստիճան, գիշերը` -1...+1, վաղը` մարտի 3–ին ցերեկը կրկին կանխատեսվում է +9...+11, գիշերը`+1...+3։–0–
Ծանոթացեք լուրերին առաջինն ու քննարկեք դրանք մեր Telegram-յան ալիքում