«Երկնքի աջակցությունը». հայկական եռագույնով լուսավորված երևանյան հեռուստաաշտարակը ֆանտաստիկ կայծակով է պատվել (ՖՈՏՈ)

ԵՐԵՎԱՆ, 5 հոկտեմբերի./Նովոստի–Արմենիա/. Երևանում երեկոյան ուժեղ ամպրոպի ժամանակ կայծակը հարվածել է հեռուստաաշտարակին։

Այդ պահի իսկական հզոր լուսանկար է հրապարակել ՀՀ բարձր տեխնոլոգիաների արդյունաբերության նախարար Հակոբ Արշակյանը։

«Հեռուստաաշտարակն այսօր լուսավորվեց Հայոց եռագույնով` ի պատիվ մեր Արցախում մարտնչող հերոս տղերքի, և երկինքն իր աջակցությունն ու համերաշխությունը հայտնեց քայլ առ քայլ կերտվող մեր հաղթանակին։ Աստված պահապան», – գրել է նախարարը Facebook–յան իր էջում։–0–