Չի բացառվում, որ դեկտեմբերի 1–ից այն քաղաքացիները, ովքեր ունեն կորոնավիրուսային վարակ, պետք է բուժվեն իրենց հաշվին.ԱՆ պաշտոնյա (ՎԻԴԵՈ)
23:48
30 Հոկտեմբերի 2021
ԵՐԵՎԱՆ, 30 հոկտեմբերի./Նովոստի–Արմենիա/. Չի բացառվում, որ դեկտեմբերի 1–ից այն քաղաքացիները, ովքեր ունեն կորոնավիրուսային վարակ, պետք է բուժվեն իրենց հաշվին։ Այ
Այս մասին ասաց Հիվանդությունների վերահսկման ազգային կենտրոնի Վարակիչ և ոչ վարակիչ հիվանդությունների համաճարակաբանության վարչության պետ, Ինֆեկցիոն հիվանդությունների ազգային կենտրոնի փոխտնօրեն Ռոմելլա Աբովյանը։
«Ունենք կորոնավիրուսի վերարտադրողական ցուցանիշի աճ, 7 օրվա հաշվարկով այն կազմում է 1,4, այսինքն վարակը շատ արագ տեմպերով տարածվում է։ Եվ դա հիմնականում պայմանավորված է «դելտա» շտամով», – ասաց Աբովյանը։
Նա նաև նշեց, որ մանկապատանեկան բոլոր տարիքային խմբերում ունենք հիվանդացության աճ, բոլոր մարզերում գրանցվում է հիվանդացության աճ։
«Մեր պետությունն այլընտրանքային առաջռարկություն է արել բնակչությանը` պատվաստվել։ Բուժումը բավականին թանկարժեք է, միջինը կազմում է մոտ 800 հազար դրամ, այն բավականին լուրջ առողջապահական բեռ է», – նշեց Աբովյանը։
Նա անդրադարձավ նաև պատվաստումների արդյունքներին` նշելով, որ այսօրվա պատվաստումների արդյունքները հնարավոր կլինի տեսնել մի քանի ամիս անց։
«Շատ կարևոր է, որպեսզի բնակչությունը պատվաստվի միառժամանակ», – ասաց Աբովյանը։
Նրա խոսքով, պատվաստված քաղաքացիները շատ ավելի քիչ են վարակվում, քանի որ արդեն իսկ որոշակի իմունիտետ ունեն, քանի որ վիրուսի ռեպլիկացիան իրականացվում է շատ ավելի դանդաղ օրգանիզմում։
«Պատվաստված անձինք հիվանդանալու դեպքում կարող են տանել անախտանշան կամ ավելի թեթև, քան չպատվաստված քաղաքացիները։ «Դելտա» շտամը թիրախավորում է նաև երեխաներին, և այդ շտամի պատճառով այսօր երեխաներն ավելի շատ են ախտանշաններով հիվանդությունը տանում, քան նախորդ շտամերի դեպքում, եթե համեմատենք այս տարին նախորդ տարիների հետ», – ասաց նա։–0–
Ամերիաբանկը մասնակցում է DigiTec Summit and Expo 2022 խոշորագույն տարածաշրջանային տեխնոլոգիական միջոցառմանը, որը մեկնարկել է ուրբաթ Կ. Դեմիրճյանի անվան մարզահամերգային համալիրում
