Ծառուկյանի կալանավորելու միջնորդությունը մերժելու որոշման դեմ բողոքի քննությունը հետաձգվեց (ՎԻԴԵՈ)

ԵՐԵՎԱՆ, 2 հուլիսի./Նովոստի–Արմենիա/. ԲՀԿ առաջնորդ Գագիկ Ծառուկյանի կալանավորելու միջնորդությունը մերժելու որոշման դեմ բողոքի քննությունը հետաձգվեց մինչև հուլիսի 7–ը ժամը 11։00–ն։ Այս մասին լրագրողներին հայտնեց Ծառուկյանի փաստաբան Երեմ Սարգսյանը։

Ինքը` Ծառուկյանը, չէր մասնակցում նիստին, քանի որ մի քանի օր հայտնի դարձավ, որ նա վարակվել է կորոնավիրուսով։

Փաստաբանի խոսքով, նիստը հետաձգվեց, քանի որ դատարանն ու մեղադրական կողմը դեռ չէին ստացել Ծառուկյանի պաշտպանների բոլոր վերաքննիչ բողոքները, քանի որ դրանց մի մասը ներկայացվել էր բանավոր։

«Քանի որ վերաքննիչ բողոքների մի մասը փոստի միջոցով է ուղարկվել, այս պահին դեռ դատարան չէր հասել»,- տեղեկացրեց նա։

Ծառուկյանի պաշտպանների բողոքը վերաբերում է հիմնավոր կասկածին, ինչպես նաև առարկություններին՝ մեղադրող կողմի բերված բողոքին՝ խափանման միջոցների հիմքերի առկայության վերաբերյալ։

«Դատարանի որոշման մեջ նշվում է, ո չկան հիմնավոր կասկածներ այն մասին, որ Ծառուկյանն ինչ–որ մեկին տվել է ընտրակաշառք», – հայտարարեց Սարգսյանը։

Ծառուկյանի շուրջ իրադարձությունների մասին

Հունիսի 14–ին առավոտյան ԱԱԾ աշխատակիցները խուզարկել են «Բարգավաճ Հայաստան» կուսակցության ղեկավար և գործարար Գագիկ Ծառուկյանի առանձնատունը:

Խուզարկությունից հետո ԲՀԿ առաջնորդը հայտարարել է, որ իր վրա գործադրում են քաղաքական ճնշում, սակայն ինքը հետքայլ չի անի:

Այնուհետև Ծառուկյանը կանչվել է ԱԱԾ հարցաքննության, որտեղ շուրջ 9 ժամ հարցաքննվելուց հետո դուրս եկել ԱԱԾ շենքից: 

ԱԱԾ-ն նույն օրը տարածել է մի շարք հաղորդագրություններ: 

Հաղորդագրություններից մեկը վերաբերում է Ծառուկյանի ընտանիքին պատկանող «Շանգրի Լա» և «Օնիրա Քլաբ» ընկերությունների ապօրինի գործունեության հետևանքով պետությանը պատճառված ավելի քան 29 միլիարդ դրամի վնասին:

Ըստ մյուս հաղորդագրության, բացահայտվել են 2017 թ.-ին ԱԺ ընտրությունների ժամանակ ԲՀԿ–ի կողմից ընտրողներին կաշառք տալու, կաշառք  ստանալու հարյուրավոր դեպքեր:

Իսկ ավելի ուշ ԱԱԾ-ն հաղորդագրություն տարածեց Առինջ համայնքի պաշտոնատար անձանց կողմից համայնքի բյուջեին 339.300.000 դրամի վնաս հասցնելու դեպքի մասին, որի առթիվ քրգործ է հարուցվել:-0-