Բաղրամյանը Կասյանին կապող էստակադայի փլուզման վտանգ կար. հայտնի է, թե երբ կավարտվեն վերանորոգման աշխատանքները (ՎԻԴԵՈ)

ԵՐԵՎԱՆ, 15 հոկտեմբերի./Նովոստի-Արմենիա/. Երևանի Մարշալ Բաղրամյան պողոտան Կասյան փողոցին կապող էստակադան այս պահին փակ է երթևեկության համար:

Ինչպես հաղորդում է Երևանի քաղաքապետարանը, տարածքում նորոգման աշխատանքներ են:

Ծրագրի ընթացքը շինարարները Երևանի քաղաքապետի տեղակալ Տիգրան Ավինյանին են ներկայացնում՝ տեղեկացնելով, որ աշխատանքների մեկնարկի հրատապությունը՝ քաղաքացիների անվտանգությունն էր. փլուզման վտանգ կար:

Ինչպես նշում են քաղաքապետարանից, վերանորոգման աշխատանքները կավարտվեն նախատեսվածից մեկ շաբաթ շուտ՝ հոկտեմբերի 18-ին:-0-