ԵՐԵՎԱՆ, 28 հունիսի./Նովոստի–Արմենիա/. E-draft.am հարթակում տեղադրվել է հանրակրթության պետական չափորոշիչի նախագիծը:
Նախօրեին տեղի ունեցած քննարկման ժամանակ ՀՀ ԿԳՍՄ նախարարի տեղակալ Ժաննա Անդրեասյանը հայտնել է, որ առաջարկվում է դպրոցներից հանել «անբավարար գնահատական» հասկացությունը, հաղորդում է
shantnews.am–ը:
«Այլևս չի լինելու անբավարար գնահատականային շեմ, և յուրաքանչյուր գնահատական՝ 1-10 միավորանոց սանդղակում, ցույց է տալու սովորողի՝ այդ տարի գրանցած առաջընթացը: Սա նշանակում է, որ դուրս է գալու այն խնդիրը, որ սովորողը պետք է մնա նույն դասարանում և կրկնի
դասընթացը: Նույնիսկ այն պարագայում, երբ որևէ երեխա ունի սովորելու դժվարություններ, տարբեր պատճառներից ելնելով, ցածր գնահատական նշանակելը և նրան նույն դասարանում թողնելը դժվար թե բերում է նրան, որ երեխան սկսում է ավելի լավ սովորել: Գուցե լինեն հատուկենտ դեպքեր, բայց դրանք բացառություններ են»,- ասել է Անդրեասյանը:–0–