Աջափնյակի թաղապետը հրաժարական է տվել կրիմինալ խմբավորումների հետ կապված սկանդալի ֆոնին

ԵՐԵՎԱՆ, 23 հունիսի./Նովոստի–Արմենիա/. Աջափնյակի թաղապետ Հայկ Մհերյանը հրաժարական է տվել, դիմումն արդեն ստորագրել է Երևանի քաղաքապետ Հայկ Մարությանը։ Այս տեղեկատվությունը «Նովոստի–Արմենիա» գործակալությանը հաստատեց Երևանի քաղաքապետարանի մամուլի քարտուղար Հակոբ Կարապետյանը։

Թաղապետը դիմումը ներկայացրել է հունիսի 21–ին` արտահերթ խորհրդարանական ընտրությունների հաջորդ օրը։

Կարապետյանը նշեց, որ Մհերյանի հրաժարականը կապ չունի համայնքում գործող կրիմինալ խմբավորման հետ։

«Կարծում եմ` պարոն Մհերյանը կհայտի պատճառը։ Որքան տեղեկացված եմ, նա պարզապես անցնում է այլ աշխատանքի», – նշեց Կարապետյանը։