ԵՐԵՎԱՆ, 12 նոյեմբերի./Նովոստի–Արմենիա/. Ճանապարհների ապաշրջափակման տրամաբանության մեջ համաձայնության դեպքում քաղաքական որոշում է անհրաժեշտ, որոշելու, որ ճանապարհներն ենք օգտագործելու կամ որ մուտքերն ենք օգտագործում ապաշրջափակման համար։ Այս մասին հայտարարեց ԱԽ քարտուղար Արմեն Գրիգորյանը Հանրային հեռուստաընկերության եթերում։
Загружается новость ... "Лево"
«Եթե հստակ է, որ միայն Նախիջևան են ուզում գնան, ապա արդյունավետ ճանապարհ կարող է լինի Խնձորեսկից Բիչենեկ (քաղաք Նախիջևանում, խմբգր,), ադրբեջանցիները կարող են օգտագործել։ Մենք էլ նույնպես Խնձորեսկից դուրս գանք, շարժվենք դեպի Հորադիզ, Հորադիզից՝ դեպի որ կողմ ցանկանանք», - ասաց նա։
Գրիգորյանը նշեց, որ հիմա քննարկվում են այդ հարցերը։
«Հույս ունենք, որ կկարողանանք հնարավորինս արագ առաջ գնալ», - նշեց նա։
Հիշեցնենք, որ նախօրեին ՀՀ ԱԽ քարտուղար Արմեն Գրիգորյանը հայտարարեց, որ Ադրբեջանն նոյեմբերի 11–ի գիշերը ժամը 12–ից սկսած Գորիս–Կապան ճանապարհին կտեղադրի սահմանային և մաքսային հսկողության կետեր։ Փաշինյանն իր հերթին նշեց, որ Գորիս–Կապան հատվածում Հայաստանը նույնպես ըստ անհրաժեշտության անցման տեղերում կտեղադրի մաքսային, անձնագրային հսկողության կետեր։–0–