Քննարկվում է ՀՀ ԶՈՒ ԳՇ նոր պետի հնարավոր թեկնածուի հարցը

ԵՐԵՎԱՆ, 8 նոյեմբերի. /Նովոստի–Արմենիա/. Նոր Սահմանադրության «գործարկմանը» զուգահեռ 2018-ին տեղի կունենան տոտալ կադրային տեղաշարժեր բոլոր մակարդակներում, գրում է «Հրապարակը»` հղում անելով սեփական աղբյուրին։

Օրաթերթը գրում է, որ այդ փոփոխությունները կանդրադառնան նաև ՀՀ զինված ուժերի գլխավոր շտաբին. ԳՇ պետի ամենահավանական թեկնածուն Արցախի պաշտպա­նության նախարար Լևոն Մնացականյանն է։

Հրատարակության աղբյուրը միաժամանակ դժվարանում է նշել, թե ինչ ճակատագիր է սպասվում ԳՇ ներկա պետ Մովսես Հակոբյանին։

 «Դժվար է ասել, վերջին աղմուկից հետո ինքը կարծես խաղից դուրս է մնացել», – նշել է թերթի աղբյուրը։

Օրաթերթը հիշեցնում է, որ «աղմուկը» կապված էր ՊՆ մատակարարման, ինչպես նաև ենթակաների նկատմամբ վե­րամբարձ, վիրավորական պահվածքի հետ:

«Նա, ճիշտ է, դրա համար հրապարակային ներողու­թյուն խնդրեց, սակայն նրա հետագա պաշտո­նավարումը հայտնվել է կասկածի տակ նաև այն պատճառով, որ Մովսես Հակոբյանն անչափ մտերիմ է Սեյրան Օհանյանի հետ», – նշում է թերթի աղբյուրը։–0–