ԵՐԵՎԱՆ, 11 հունիսի./Նովոստի–Արմենիա/. Այսօր «Ծառուկյան» խմբակցության մի շարք պատգամավորներ, ինչպես նաև «Ելք» խմբակցության պատգամավոր Ալեն Սիմոնյանը հանդես են եկել «Հիմնադիր խորհրդարան» շարժման առաջնորդ Ժիրայր Սեֆիլյանի կալանքը որպես խափանման միջոց փոխելու անձնական երաշխավորությամբ։
Загружается новость ... "Лево"
«Սույնով երաշխավորում ենք, որ թիվ ԵԱԴԴ/0028/01/17 քրեական գործով մեղադրյալ Ժիրայր Սեֆիլյանը, գտնվելով ազատության մեջ, կդրսևորի պատշաճ վարքագիծ, չի խուսափի իր դատավարական պարտականությունները պատշաճ կատարելուց` քրեական վարույթն իրականացնող մարմնի կանչով ներկայանալուց։ Ժիրայր Սեֆիլյանի նկատմամբ որպես խափանման միջոց կիրառված կալանքը սույն անձնական երաշխավորության հիմքով փոխոխելու կամ փոխարինելու պարագայում ստանձնում ենք դրանից բխող բոլոր պարտավորությունները», – նշված է «Նովոստի–Արմենիա» գործակալություն ստացված «Ծառուկյան» խմբակցության պատգամավորների անձնական երաշխավորության մեջ, որի տակ ստորագրել է խմբակցության 16 պատգամավոր։
Միաժամանակ, «Ելք» խմբակցության պատգամավոր Ալեն Սիմոնյանը Facebook–յան իր էջում տեղեկացրել է, որ հանդիպել է Ժիրայր Սեֆիլյանի փաստաբան Տիգրան Եգորյանի հետ և երաշխավորագիր ստորագրել Սեֆիլյանի խափանման միջոցը փոխելու համար:
Այս պահին Երևանում ընթանում է Սեֆիլյանի գործով վերաքննիչ բողոքը։–0–