Նախորդ շաբաթվա կարևոր նորությունների հնգյակը

ԵՐԵՎԱՆ, 13 հունվարի. /Նովոստի–Արմենիա/. «Նովոստի–Արմենիա» գործակալությունը ներկայացնում է նախորդ շաբաթվա կարևոր նորությունների հնգյակը։

• Հունվարի 8–ի գիշերը խոշոր և ողբերգական ավտովթար էր գրանցվել Երևանում։ Ժամը 04:10-ի սահմաններում Աբովյան փողոցի և Սայաթ–Նովա պողոտայի խաչմերուկում բախվել են BMW X 6 մակնիշի և Toyoto Corola մակնիշի ավտոմեքենաները: Toyoto Corola–ն պատկանում էր ՃՈ–ին, ավտոմեքենայում են եղել երկու ոստիկաններ, որոնցից մեկը մահացել էր տեղում, մյուսը` հիվանդանոցում։ Ավելի ուշ հրապարակվեց ողբերգական ավտովթարի տեսանյութը։ ՔԿ–ն ներկայացրեց միջադեպի մանրամասները` նշելով, որ վթարի պահին BMW–ում 3 մարդ է եղել։ Միաժամանակ հայտնի դարձավ, որ ավտովթարի մեջ կասկածվողին մեղադրանք է առաջադրվել երկու հոդվածով։

• Հայաստանում նկատվում է գրիպի և ՍՇՎ–ի ակտիվացում։ ԱՆ–ի վերջին տվյալներով, հանրապետությունում ՍՇՎ–ով հոսպիտալացված է մոտ 600 հիվանդ։ Օրական մշտադիտարկման արդյունքներով հիվանդության աճ արձանագրվել է հատկապես մանկահասակ երեխաների շրջանում։

• 5 հայեր 12 ժամ անցկացրել են Բաքվի օդանավակայանում։ Հունվարի 8–ին Ուրումչի (Չինաստան) – Թբիլիսի չվերթի ինքնաթիռի հրամանատարը վատ եղանակի պատճառով որոշել է վայրէջք կատարել Բաքվում։ Օդանավում եղել է ազգությամբ 5 ուղևոր, որոնցից երկուսը ԱՄՆ քաղաքացիներ են և մեկը` 5–ամյա երեխա։

• Հայաստանում նախատեսում են արգելել աջ ղեկով մեքենաների ներմուծումը։ Գործադիրը հինգշաբթի ընդունել է օրինագիծ աջակողմյան ղեկային տեղաբաշխմամբ տրանսպորտային միջոցների ներմուծումը ու իրականացումը արգելելու մասին:

• ՀՀ նախագահը հանդիպել է Ազգային ժողովի ղեկավար կազմի հետ։ Հանդիպման ընթացքում երկրի ղեկավարը մասնավորապես նշել է, որ Հայաստանը թևակոխում է լուրջ քաղաքական շրջափուլ։–0–