ԵՐԵՎԱՆ, 26 հուլիսի./Նովոստի–Արմենիա/. ՀՀ երկրորդ նախագահ Ռոբերտ Քոչարյանը «Երկիր մեդիա» հեռուստաալիքին տված հարցազրույցում հայտարարել է, որ պայքարելու է, նա ստեղծված իրավիճակն անվանել է սյուրռեալիստական։
Հայաստանի երկրորդ նախագահ Ռոբերտ Քոչարյանին մեղադրանք է առաջադրվել Հայաստանի Հանրապետության սահմանադրական կարգը տապալելու համար: Նույն օրը միջնորդություն է ներկայացվել Երևան քաղաքի ընդհանուր իրավասության առաջին ատյանի դատարան` Ռոբերտ Քոչարյանի նկատմամբ կալանավորումը որպես խափանման միջոց ընտրելու համար:
Загружается новость ... "Лево"
«Չեմ կասկածում, որ վերջիվերջո կհաղթեմ։ Սրանք հորինված, շինծու, քաղաքական ենթատեքստ ունեցող, իրականության մեջ գոյություն չունեցող մեղադրանքներ են: Այստեղ ոչինչ չկա։ Սակայն երբ տեսնում ես, որ մարդիկ ի վիճակի են նման մակարդակի կեղծիքների, հասկանում ես, որ նրանց համար ոչ մի սրբություն չկա, նրանք ի վիճակի են ամեն ինչի», – ասաց նա։
Քոչարյանը նաև նշեց, որ չգիտի, թե ինչպես կվարվեն տարբեր ատյանների դատարանները։
«Ակնհայտ է մի բան. ես պետք է պայքարեմ և պայքարելու եմ։ Սա ռումբ է, որը պայթելու է, իրավական համակարգը մեծ վտանգի տակ է», – ասաց նա։
Ռոբերտ Քոչարյանը որպես վկա կանչվել է հարցաքննության Հատուկ քննչական ծառայություն 2008 թ.–ի մարտի 1–ի գործով։ Գործով վկա է կանչվել նաև ՀԱՊԿ–ի գլխավոր քարտուղար Յուրի Խաչատուրովը, ով այն ժամանակ զբաղեցնում էր Երևանի կայազորի պետի պաշտոնը։ Գործով մեղադրյալ է ներգրավված ՀՀ պաշտպանության նախկին նախարար Միքայել Հարությունյանը, ով այս պահին հանրապետությունում չէ։
Հայկական ընդդիմությունը` առաջին նախագահ Լևոն Տեր–Պետրոսյանի գլխավորությամբ, ով առաջադրվել էր 2008 թ.–ի փետրվարի 19–ին կայացած նախագահական ընտրություններին և պարտվել էր, փետրվարի 20–ից Երևանի կենտրոնում անցկացնում էր հանրահավաքներ` դժգոհություն հայտնելով քվեարկության արդյունքներից։ Բողոքի ակցիաները 2008 թ.–ի մարտի 1–2–ը վերածվեցին անկարգությունների և իրավապահ ուժերի ու ցուցարարների միջև բախումների, ինչի հետևանքով զոհվեց 10 մարդ, ավելի քան 200–ը վիրավորվեց:-0-
