Երեքշաբթի` օգոստոսի 9–ի առավել ուշագրավ նորությունները

ԵՐԵՎԱՆ, 10 օգոստոսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` օգոստոսի 9–ի առավել ուշագրավ նորությունների սեփական տարբերակը։

• ՀՀ պաշտպանության նախարար Սեյրան Օհանյանը սահմանի հյուսիս–արևելյան հատված կատարած այցի ընթացքում լրագրողներին հայտնել է, որ սպառազինության համար ռուսական վարկի պայմանագրերը գրեթե ամբողջությամբ համաձայնեցված են։

• Հայաստանի օլիմպիական հավաքականի անդամ, մարմնամարզիկ Հարություն Մերդինյանը հայտնել է, որ եզրափակչին աշխատելու է ավելի բարդացնել վարժությունը։ Միաժամանակ, Ռուսաստանը ներկայացնող հայազգի սուսերամարտիկ Յանա Եգորյանը նվաճեց Ռիո դե Ժանեյրոյի Օլիմպիական խաղերի ոսկե մեդալ։

• «Հրապարակ» թերթի հաղորդմամբ` Հայաստանի ԱԱԾ-ում կադրային լուրջ փոփոխություններ են սպասվում։

• Երևանի Մարգարյան 2-րդ նրբանցքի թիվ 1 շենքի մոտակայքում գտնվող երկհարկանի շինության վրա դի էր հայտնաբերվել։ Ավելի ուշ պարզվեց, որ նույն շենքի 5-րդ հարկի բնակարաններից մեկի բնակիչ 1938 թ. ծնված Ա. Մ.-ն ընկել է 2-րդ հարկի 3-րդ բնակարանի պատշգամբի տանիքին։ -0-