Երեքշաբթի` հունիսի 7–ի առավել ուշագրավ նորությունները
08.06.2016,
08:00
Նովոստի–Արմենիա» գործակալությունը ներկայացնում է երեքշաբթի` հունիսի 7–ի առավել ուշագրավ նորությունների սեփական տարբերակը։
ԵՐԵՎԱՆ, 8 հունիսի. /Նովոստի–Արմենիա/. «Նովոստի–Արմենիա» գործակալությունը ներկայացնում է երեքշաբթի` հունիսի 7–ի առավել ուշագրավ նորությունների սեփական տարբերակը։
- Չեխիայի նախագահ Միլոշ Զեմանը հայտարարել է, որ ցանկանում է դիմել Չեխիայի կառավարությանն ու խորհրդարանին` կոչ անելով հետևել Գերմանիայի օրինակին և պաշտոնապես ճանաչել 1915–1918 թթ.–ին Թուրքիայի կողմից իրականացրած Հայոց ցեղասպանությունը։
- ԳԴՀ կանցլեր Անգելա Մերկելը Ադրբեջանի նախագահ Իլհամ Ալիևի հետ համատեղ ասուլիսի ժամանակ հայտարարել է, որ իր համար անհասկանալի են Թուրքիայի պահանջներն ու մեղադրանքները, որոնք հասցեագրված են Գերմանիայի Բունդեսթագի պատգամավորներին, ովքեր կողմ են քվեարկել Հայոց ցեղասպանության ճանաչմանը։
- Հայպետհիդրոմետը ներկայացնում է եղանակի կանխատեսումն ամռան երեք ամիսների համար։
- Երեքշաբթի` հունիսի 7-ին, ողբերգական դեպք է տեղի ունեցել Երևանում: Ժամը 01:00-ի սահմաններում Սարյան և Ամիրյան փողոցների խաչմերուկում բախվել են Opel ավտոմեքենան և Kavasaki մակնիշի մոտոցիկլետը։
- ՀՀ ոստիկանության Նոր Նորքի բաժնի աշխատակիցները պարզել են երկուշաբթի Երևանի բակերից մեկում հայտնաբերված կնոջ ինքնությունը:
- Հայտնի են Հայաստանում նորածին աղջկա առուվաճառքի հանգամանքներն ու մանրամասները։
- ՀՀ վարչապետ Հովիկ Աբրահամյանի հրամանով` ՀՀ կառավարությանն առընթեր Քաղաքացիական ավիացիայի գլխավոր վարչության (ՔԱԳՎ) պետ Արտյոմ Մովսեսյանն ազատվել է զբաղեցրած պաշտոնից։-0-
Պատճենել հղումը
