Դատապարտյալին բերված հանձնուքի թթվասերից հայտնաբերվել են թմրանյութեր (ԼՈւՍԱՆԿԱՐ)

ԵՐԵՎԱՆ, 2 փետրվարի. /Նովոստի-Արմենիա/. «Արմավիր» քրեակատարողական հիմնարկում դատապարտյալին բերված հանձնուքում հայտնաբերվել է թմրանյութ:

Ինչպես հայտնում է ՀՀ ԱՆ քրեակատարողական ծառայությունը, փետրվարի 1–ին ժամը 15:50-ի սահմանում ՀՀ ԱՆ «Արմավիր» քրեակատարողական հիմնարկի աշխատակիցները, օպերատիվ տվյալնեն իրացնելով, քաղաքացի Կ. Ս.-ի կողմից դատապարտյալ Վ. Ն.-ի համար բերված հանձնուքի թթվասերի տարայի միջից հայտնաբերել և առգրավել են պոլիէթիլենային փաթեթ:



Փաթեթում առկա էր «PGN 300» գրառմամբ երկու դեղապատիճ և մանրեցված կանեփանման զանգված:

Գերատեսչության հաղորդմամբ, առգրավվածն ուղարկվել է դատաքիմիական փորձաքննության:



Նախապատրաստվում են նյութեր, կատարվում է հետաքննություն: -0-