Բողոքի երթի մասնակիցները Ֆրանսիայի և Ռուսաստանի դեսպանատներին են փոխանցել ԼՂՀ–ին վերաբերող պահանջներով ուղերձը
ԵՐԵՎԱՆ, 9 ապրիլի./Նովոստի–Արմենիա/. Ղարաբաղյան հակամարտության սրման կապակցությամբ միջազգային կազմակերպությունների անգործության դեմ երթի մասնակիցները Ֆրանսիայի և Ռուսաստանի դեսպանատներին են փոխանցել պահանջներով ուղերձ, որոնք վերաբերում են ԼՂՀ–ին և հակամարտության կարգավորման գործընթացին։
Ակցիան մեկնարկեց Հանրապետության հրապարակում, ինչից հետո ցուցարարները կազմակերպեցին երթ դեպի ԵԱՀԿ Մինսկի խմբի երեք համանախագահ երկրների դեսպանատներ (Ֆրանսիա, ՌԴ, ԱՄՆ)։
Ցուցարարները ներկայացրեցին իրենց պահանջները ԵԱՀԿ ՄԽ համանախագահ երկրներին>>
Ինչպես դեպքի վայրից հաղորդում է «Նովոստի–Արմենիա» գործակալության թղթակիցը, մոտենալով Ֆրանսիայի դեսպանատան շենքին` ցուցարարները նամակը փոխանցեցին դեսպանատան ներկայացուցիչներին, այնուհետև շարժվեցին դեպի Ռուսաստանի դեսպանատուն։
Ռուսաստանի դեսպանատան ներկայացուցիչները հրաժարվեցին դուրս գալ ցուցարարների մոտ, այդ պատճառով ցուցարարներն իրենց ուղերձը թողեցին նամակների արկղում։
Այժմ երթի մասնակիցները կրկին շարժվում են դեպի քաղաքի կենտրոն, որտեղ մի քանի րոպեից պետք է սկսվի ԵԱՀԿ Մինսկի խմբի համանախագահների մամուլի ասուլիսը։–0-
