ԵՐԵՎԱՆ, 4 դկտեմբերի. /Նովոստի-Արմենիա/. Արտաշատում «Իմ քայլը» դաշինքն ամբողջ ուժով օգտագործում է վարչական ռեսուրսը:
«Ջավեշտալին այն է, որ օրենքի խախտմամբ զբաղվում է ոստիկանությունը, որը պետք է պայքարեր դրա դեմ: Արտաշատի փոխոստիկանապետ Սամվել Ատոմյանն ակտիվորեն զբաղվում է Արարատի մարզն ընդգրկող թիվ 6 ընտրատարածքում «Իմ քայլը» դաշինքի ռեյտինգային ցուցակում ընդգրկված որդու' Սերգեյ Ատոմյանի քարոզչությամբ», - գրում է «Ժամանակ« օրաթերթը:
Ատոմյանն այցելում է տարբեր մարդկանց և համոզում քվեարկել որդու օգտին:
Նշվում է, որ Ատոմյանը դեռևս չի ահաբեկում մարդկանց, բայց այն փաստը, որ փոխոստիկանապետը զբաղվում է քարոզչությամբ, արդեն մարդկանց մոտ անցյալի հետ ասոցացվող վատ հիշողություններ է առաջացնում:-0-