ՔԱԳՎ պետ. հայկական երկնքում «քրեական» մրցակցություն չկա
20.12.2016,
16:40
Հայկական ավիացիայի ոլորտում «քրեական» մրցակցություն չկա, հայտարարեց Հայաստանի քաղաքացիական ավիացիայի գլխավոր վարչության պետ Սերգեյ Ավետիսյանը։
ԵՐԵՎԱՆ, 20 դեկտեմբերի. /Նովոստի–Արմենիա/. Հայկական ավիացիայի ոլորտում «քրեական» մրցակցություն չկա, հայտարարեց Հայաստանի քաղաքացիական ավիացիայի գլխավոր վարչության պետ Սերգեյ Ավետիսյանը։
«Մենք չենք տեսնում «քրեական» մրցակցություն, պարզապես առկա է շատ լուրջ մրցակցություն։ Օրինակ, ամեն օր «Զվարթնոց» օդանավակայանից միայն Մոսկվա իրականացվում է 14–15 չվերթ։ Սակայն դա բնական է, քանի որ Հայաստանը 2013 թ.–ից իրականացնում է «բաց երկքնի» քաղաքականություն», – երեքշաբթի լրագրողներին ասաց Ավետիսյանը։
Դեկտեմբերի սկզբին Armenia ավիաընկերության հիմնադիր Թամազ Գաիաշվիլին հայտարարեց, որ Հայաստանի ավիափոխադրումների շուկայում տիրում են մրցակցային անհավասար պայմաններ։ Իսկ «Պոբեդա» լոուքոսթերի սակագնային քաղաքականությունը, որը դեկտեմբերից սկսեց ցածր գներով իրականացնել Գյումրի–Մոսկվա չվերթը, նա անվանեց «քրեական մրցակցություն»։
Ավետիսյանը, հակառակը, ողջունեց լոուքոսթերի մուտքը հայկական շուկա` համարելով դա կարևոր նախադեպ։ Նա նաև հնարավոր համարեց, որ Գյումրու օդանավակայանը կսպասարկի նաև այլ լոուքոսթերների չվերթերը։
«Ներկայում Ռուսաստանի հետ բանակցություններ են ընթանում այն մասին, որպեսզի հայկական ավիափոխադրողները ռուսների հետ հավասար պայմաններ ստանան: Ներկայում, միջպետական համաձայնագրի համաձայն, նրանք օգտվում են ոչ ռուսական ավիափոխադրողների համար նախատեսված իրավունքներից», - ասաց Ավետիսյանը:
ՔԱԳՎ ղեկավարն ընդգծեց, որ Հայաստանն ազգային ավիափոխադրողի կարիք ունի, սակայն ֆինանսապես կայուն, անվտանգ և մրցունակ, այլ ոչ թե բյուջեի հաշվին գոյատևող:
«2016 թ.-ին Հայաստանի ավիափոխադրումների ոլորտում նախատեսվում են օրենսդրական փոփոխություններ, ավիաընկերությունների համար օնլայն հարթակի ստեղծում, որտեղ նրանք առանց բյուրոկրատական քաշքշուքների կկարողանան փաստաթղթեր լրացնել, ինչը կբարձրացնի ՔԱԳՎ-ի հետ նրանց համագործակցության թափանցիկությունը», - ասաց Ավետիսյանը:
Նա վստահություն հայտնեց, որ ճիշտ քաղաքականության շնորհիվ, Երևանից դուրս ավիաթռիչքների աշխարհագրությունը կընդլայնվի, իսկ գները ավելի կնվազեն:
Ընդ որում Ավետիսյանը չհայտնեց, թե ինչ ավիափոխադրողներ կգան հայկական շուկա 2017 թ.-ին` հայտարարելով միայն, որ բանակցություններ են ընթանում տարբեր ընկերությունների հետ: -0-
«Մենք չենք տեսնում «քրեական» մրցակցություն, պարզապես առկա է շատ լուրջ մրցակցություն։ Օրինակ, ամեն օր «Զվարթնոց» օդանավակայանից միայն Մոսկվա իրականացվում է 14–15 չվերթ։ Սակայն դա բնական է, քանի որ Հայաստանը 2013 թ.–ից իրականացնում է «բաց երկքնի» քաղաքականություն», – երեքշաբթի լրագրողներին ասաց Ավետիսյանը։
Դեկտեմբերի սկզբին Armenia ավիաընկերության հիմնադիր Թամազ Գաիաշվիլին հայտարարեց, որ Հայաստանի ավիափոխադրումների շուկայում տիրում են մրցակցային անհավասար պայմաններ։ Իսկ «Պոբեդա» լոուքոսթերի սակագնային քաղաքականությունը, որը դեկտեմբերից սկսեց ցածր գներով իրականացնել Գյումրի–Մոսկվա չվերթը, նա անվանեց «քրեական մրցակցություն»։
Ավետիսյանը, հակառակը, ողջունեց լոուքոսթերի մուտքը հայկական շուկա` համարելով դա կարևոր նախադեպ։ Նա նաև հնարավոր համարեց, որ Գյումրու օդանավակայանը կսպասարկի նաև այլ լոուքոսթերների չվերթերը։
«Ներկայում Ռուսաստանի հետ բանակցություններ են ընթանում այն մասին, որպեսզի հայկական ավիափոխադրողները ռուսների հետ հավասար պայմաններ ստանան: Ներկայում, միջպետական համաձայնագրի համաձայն, նրանք օգտվում են ոչ ռուսական ավիափոխադրողների համար նախատեսված իրավունքներից», - ասաց Ավետիսյանը:
ՔԱԳՎ ղեկավարն ընդգծեց, որ Հայաստանն ազգային ավիափոխադրողի կարիք ունի, սակայն ֆինանսապես կայուն, անվտանգ և մրցունակ, այլ ոչ թե բյուջեի հաշվին գոյատևող:
«2016 թ.-ին Հայաստանի ավիափոխադրումների ոլորտում նախատեսվում են օրենսդրական փոփոխություններ, ավիաընկերությունների համար օնլայն հարթակի ստեղծում, որտեղ նրանք առանց բյուրոկրատական քաշքշուքների կկարողանան փաստաթղթեր լրացնել, ինչը կբարձրացնի ՔԱԳՎ-ի հետ նրանց համագործակցության թափանցիկությունը», - ասաց Ավետիսյանը:
Նա վստահություն հայտնեց, որ ճիշտ քաղաքականության շնորհիվ, Երևանից դուրս ավիաթռիչքների աշխարհագրությունը կընդլայնվի, իսկ գները ավելի կնվազեն:
Ընդ որում Ավետիսյանը չհայտնեց, թե ինչ ավիափոխադրողներ կգան հայկական շուկա 2017 թ.-ին` հայտարարելով միայն, որ բանակցություններ են ընթանում տարբեր ընկերությունների հետ: -0-
Պատճենել հղումը
