ԵՐԵՎԱՆ, 26 փետրվարի. /Նովոստի Արմենիա/. Հայաստանի շրջանների մեծ մասում փետրվարի 27-ին ու մարտի 2-ին ժամանակ առ ժամանակ սպասվում են տեղումներ: Ինչպես հայտնում է Հայհիդրոմետկենտրոնը, փետրվարի 28-ին, ինչպես նաև մարտի 1-ին ու 3-ին հանրապետության ողջ տարածքում սպասվում է առանց տեղումների եղանակ:
Մարտի 2-ի գիշերը բոլոր շրջաններում սպասվում է թաց ձյուն, այդ թվում` Երևանի լեռնային հատվածներում, իսկ առավոտից ու օրվա առաջին կեսին` Շիրակում և Գեղարքունիքում, նաև Կոտայքի, Արագածոտնի ու Վայոց Ձորի լեռներում:
Քամին՝ հարավ-արևմտյան՝ 3-8 մ/վ արագությամբ: Մարտի 1-2-ին առանջին հատվածներում քամու ուժգնացումը կարող է հասնել մինչև 15-20 մ/վ–ի:
Օդի ջերմաստիճանը մարտի 2-ին ու 3-ի գիշերը կնվազի 4-6 աստիճանով, իսկ մարտի 3-ին կբարձրանա 2-4 աստիճանով:
Երևանում մինչև մարտի 1-ը ներառյալ սպասվում է ջերմացում մինչև 14-16 աստիճան ցերեկը, իսկ մարտի 2-ին օդի ջերմաստիճանը կնվազի մինչև 10-12 աստիճան, սակայն արդեն մարտի 3-ին կրկին կբարձրանա մինչև 13-15 աստիճան տաքություն:-0-
