Ֆերնանդու Սանտուշը հրապարակել է Հայաստանի և Իտալիայի հետ խաղերում Պորտուգալիայի հավաքականի կազմը

ԵՐԵՎԱՆ, 1 հունիսի. /Նովոստի–Արմենիա/. Պորտուգալիայի հավաքականի մարզիչ Ֆերնանդու Սանտուշը հրապարակել է այն ֆուտբոլիստների ցանկը, ովքեր պատրաստվելու են Եվրոպայի 2016 թվականի առաջնության ընտրական փուլի` իտալացիների հետ Հայաստանի ընկերական խաղին։

Հայաստան–Պորտուգալիա խաղը կկայանա հունիսի 13–ին Երևանի Հանրապետական մարզադաշտում, իսկ Իտալիայի հետ ընկերական խաղը կանցկացվի հունիսի 16–ին Քաթարում։

Պորտուգալիայի հավաքական են կանչվել`

դարպասապահներ` Ռույ Պատրիսիուն («Սպորտինգ»), Բետուն («Սևիլիա»), Անտոնի Լոպեշը («Լիոն»)։

Պաշտպաններ Բրունու Ալվեշը («Ֆեներբախչե»), Սեդրիկ Սոարեշը («Սպորտինգ»), Դանիել Կարիսոն («Սևիլիա»),  Էլիզեուն («Բենֆիկա»), Ֆաբիու Կոենտրաուն («Ռեալ»), Ժոզե Ֆոնտեն («Սաութհեմփթոն»), Ռիկարդու Կարվալիուն («Մոնակո»), Վիերինյան («Վոլֆսբուրգ»)։

Կիսապաշտպաններն են Ադրիեն Սիլվան և Վիլյամ Կարվալիուն (երկուսն էլ`  «Սպորտինգ»), Անդրե Անդրեն («Վիտորիա»), Բեռնարդո Սիլվան և Ժոաու Մոուտինիուն (երկուսն էլ` «Մոնակո»), Դանիլոն («Մարիտիմո»), Պիցին («Բենֆիկա»), Տիագու Մենդեշը («Աթլետիկո»)։

Հարձակվողներ` Կրիշտիանու Ռոնալդու («Ռեալ»), Դանի («Զենիթ»), Էդեր («Բրագա»), Նանի  («Սպորտինգ»), Ռիկարդու Կուարեժմա («Պորտու»), Սիլվեշտրե Վարելա  («Պարմա»)։

Հայաստանի հավաքականը մեկ միավորով կիսում է վերջին տեղը սերբերի հետ։ Սակայն հայ ֆուտբոլիստներն անցկացրել են չորս խաղ` մեկով ավելի, քան սերբերը։

Խմբում ինը միավորով չորս հանդիպումից հետո առաջատար են պորտուգալացիները, յոթական միավորներ ունեն Ալբանիայի (երեք խաղ) և Դանիայի հավաքականները (չորս խաղ)։ -0-