ԵՐԵՎԱՆ, 1 դեկտեմբերի. /Նովոստի–Արմենիա/. Երեք երկրպագուների, ովքեր դաշտ են դուրս եկել Եվրոպայի Լիգայի խմբային փուլի շրջանակներում կազմակերպված «Թոթենհեմ» անգլիական ակումբի և «Պարտիզան» սերբական ակումբի հանդիպման ժամանակ, մեղադրանք է ներկայացվել, հաղորդում է Guardian–ը։
С խմբի հանդիպումը տեղի է ունեցել նոյեմբերի 27–ին և ավարտվել է «Թոթենհեմի» հաղթանակով (1։0)։ Ընդմիջումից առաջ ուկրաինացի մրցավար Եվգենի Արանովսկին ստիպված էր դադարեցնել հանդիպումն ու հեռացնել թիմերին դաշտից այն պատճառով, որ 23–ամյա Նաթանիել Թոմփսոնը, 22–ամյա Էլդեր Գոմեշն ու 26–ամյա Դանիել Ջարվիսը դաշտ էին դուրս եկել։
Երկուշաբթի Սքոթլանդ–Յարդում հայտարարեցին, որ բոլոր երեք խախտողներին մեղադրանքներ են առաջադրվել։ Նրանք կկանգնեն Լոնդոնի դատարանի առջև դեկտեմբերի 18–ին, հաղորդում է «ՌԻԱ Նովոստին»։
Բացի այդ, ինչպես հաղորդում է ոստիկանությունը, Ջարվիսն այս տարվա հունվարին արդեն հայտնվել է ոստիկանությունում` գողացված ապրանքն իրացնելու փորձի առնչությամբ։
Միջադեպի հետևանքով ՈւԵՖԱ–ն կարգապահական գործ է հարուցել «Թոթենհեմի» նկատմամբ, որը կուսումնասիրվի դեկտեմբերի 11–ին։–0–
