Հայաստանը իջել է 77–րդ տեղ ՖԻՖԱ–ի ընթացիկ վարկանիշում

ԵՐԵՎԱՆ, 27 նոյեմբերի. /Նովոստի–Արմենիա/. Հայաստանն իջել է ևս երկու հորիզոնականով ՖԻՖԱ–ի ընթացիկ վարկանիշում` զբաղեցնելով 77–րդ տեղը, հաղորդում է Ֆուտբոլային ասոցիացիաների միջազգային ֆեդերացիաների պաշտոնական կայքը։

Եվրո–2016–ի ընտրական խմբում Հայաստանի մրցակիցները զբաղեցրել են հետևյալ հորիզոնականները` Պորտուգալիա` 7–րդ տեղ (+2), Դանիա` 30–րդ տեղ (+2), Սերբիա` 46, Ալբանիա` 50  (-2)։

ՖԻՖԱ–ի վարկանիշի առաջին տասնյակը նոյեմբերի 27–ի դրությամբ`

1. Գերմանիա – 1725 միավոր,
2. Արգենտինա – 1538,
3. Կոլումբիա – 1450,
4. Բելգիա – 1417,
5. Նիդեռլանդներ – 1374,
6. Բրազիլիա – 1316,
7. Պորտուգալիա – 1160,
8. Ֆրանսիա – 1160
9. Իսպանիա – 1142,
10. Ուրուգվայ – 1135

Հայկական հավաքականը Եվրո– 2016–ի ընտրական փուլի շրջանակում Դանիայի, Պորտուգալիայի, Ալբանիայի և Սերբիայի հետ միասին հայտնվել է միևնույն ընտրական խմբում, որի առաջատարը Դանիայի հավաքականն է, որը չորս հանդիպումներից հետո վաստակել է 7 միավոր։ Պորտուգալիայի հավաքականը 3 հանդիպումից հետո ունի 6 միավոր։ Երեք խաղից հետո ալբանացիները վաստակել են 4 միավոր։ Մրցաշարային աղյուսակը եզրափակում են Հայաստանի և Սերբիայի հավաքականները, որոնք երեք հանդիպումից հետո վաստակել են մեկական միավոր։–0–