Իզաբելա Յայլյանը ոսկե մեդալ է նվաճել Կիպրոսում ընթացող ծանրամարտի Եվրոպայի երիտասարդական առաջնությունում

ԵՐԵՎԱՆ, 25 նոյեմբերի. /Նովոստի–Արմենիա/. Կիպրոսի Լիմասոլ քաղաքում ընթացող ծանրամարտի Եվրոպայի երիտասարդական առաջնությունում Իզաբելա Յայլյանը ոսկե մեդալ է նվաճել, հայտնում է ՀՀ սպորտի և երիտասարդության հարցերի նախարարությունը։

«Մինչև 20 տարեկան աղջիկների մրցումներում գերազանց հանդես եկավ Իզաբելա Յայլյանը,– նշված է հաղորդագրության մեջ:– Նա պոկում վարժությունում բարձրացրեց 85 կգ, հրումում` 106 կգ ծանրաձողը և երկամարտի 191 կգ արդյունքով գրավեց առաջին տեղը եւ հռչակվեց Եվրոպայի չեմպիոն: -0-