Հայաստանում ռուս զինծառայողների երեխաները նոր ուստարում կմարզվեն ժամանակակից մարզահամալիրում

ԵՐԵՎԱՆ, 29 հուլիսի. /Նովոստի–Արմենիա/. Հայաստանի Հանրապետության Հարավային ռազմական օկրուգի ռուսական ռազմակայանի երեխաներն այս ուսումնական տարվա սկզբից կմարզվեն Ռուսաստանի Դաշնության պաշտպանության նախարարության նոր մարզահամալիրում, հայտնում է ՀՌՕ մամուլի ծառայությունը։

Շինարարական և հարդարման աշխատանքներն իրականացնում են  «Սլավյանկա» աութսորսինգային ընկերության մասնագետները։

ՌԴ ՊՆ դպրոցի կազմում կկառուցվեն և սարքավորումներով կհամալրվեն  խաղային մարզաձևերի, աերոբիկայի, մարմնամարզության և թեթև աթլետիկայի պարապմունքների բազմաֆունկցիոնալ մի քանի դահլիճներ` միաժամանակ մի քանի դասարաններով։

Մարզադահլիճները կհամալրվեն ներքնակներով, փայտե նստարաններով, բասկետբոլի, վոլեյբոլի և ֆուտբոլի գնդակներով, մարմնամարզության սարքավորումներով, «շվեդական պատերով» և այլ մարզական գույքով։ Դպրոցական բակի մարզահրապարակներում կվերակառուցվեն և կհամալրվեն բասկետբոլի, վոլեյբոլի և ֆուտբոլի համար հատկացված վայրերը, վազքուղիները և խաղային գոտիները։

Ռուսաստանի պաշտպանության նախարարության Գյումրու ռազմական կայազորի ուսումնական հաստատությունում ամեն տարի սովորում է ՀՌՕ ռազմակայանի զինծառայողների և քաղաքացիական անձնակազմի ավելի քան 600 երեխա։ -0-