ԵՐԵՎԱՆ, 5 մարտի./Նովոստի–Արմենիա/. Ֆինլանդիայի ֆուտբոլի ասոցիացիան հետ է կանչել 2020 թ.–ի Եվրոպայի ֆուտբոլի առաջնության հանդիպումներն իր տարածքում անցկացնելու Հելսինկիի հայտը, հաղորդում է «ՌԻԱ Նովոստին»` հղում անելով Ռոյթեր գործակալությանը։
2012 թ.–ի դեկտեմբերին Լոզանում կայացած հանդիպման ժամանակ Եվրոպական ֆուտբոլի ասոցիացիայի միության (ՈւԵՖԱ) գործկոմը, կազմակերպության նախագահ Միշել Պլատինիի նախագահությամբ, որոշել է 2020 թ.–ի «Եվրոն Եվրոպայի համար» մրցաշարն անցկացնել մեկ կամ երկու երկրներում։ 2013 թ.–ի հունվարին ՈւԵՖԱ–ի գործկոմը սահմանել է, որ եզրափակիչ հանդիպումները տեղի կունենան 13 քաղաքներում։
«Մենք ՈւԵՖԱ–ի հետ բանակցություններ ենք անցկացրել Եվրո–2020–ի հանդիպումների անցկացման հայտի նկատմամբ պահանջների շուրջ», – հայտարարել է Ֆինլանդիայի ֆուտբոլի ասոցիացիայի նախագահ Պերտի Ալայան։
Եվրոպայի առաջնության հանդիպումների անցկացման իրավունքին ընդհանուր առմամբ հավակնում է 31 երկրի 38 քաղաք, այդ թվում Սանկտ Պետերբուրգը։–0–
