Տիգրան Քոթանջյանը Հայաստանի շախմատի չեմպիոն է դարձել
22.01.2014,
13:32
Գրոսմայստեր Տիգրան Քոթանջյանը նվաճել է Հայաստանի շախմատի չեմպիոնի տիտղոսը, կանանց շրջանում չեմպիոն է դարձել Շուշաննա Սարգսյանը։
ԵՐԵՎԱՆ, 22 հունվարի. /Նովոստի–Արմենիա/. Գրոսմայստեր Տիգրան Քոթանջյանը նվաճել է Հայաստանի շախմատի չեմպիոնի տիտղոսը, կանանց շրջանում չեմպիոն է դարձել Շուշաննա Սարգսյանը։
Տղամարդկանց մրցաշարի արծաթե մեդալ է նվաճել գրոսմայստեր Ռոբերտ Հովհաննիսյանը, բրոնզե մեդալ` գրոսմայստեր Արման Փաշիկյանը։ Կանանց առաջնությունում երկրորդ տեղը զբաղեցրել է Մարիա Գևորգյանը, երրորդ տեղը` Սիրանույշ Ղուկասյանը, հաղորդում է armchess.am կայքը։
Ազգային առաջնության հաղթողներն ընդգրկվել են Հայաստանի տղամարդկանց և կանանց ազգային հավաքականների կազմում։–0–