Միշել Պլատինին վերընտրվել է ՈՒԵՖԱ-ի նախագահի պաշտոնում
Ֆրանսիացի Միշել Պլատինին վերընտրվել է Եվրոպական ֆուտբոլային ասոցիացիաների միության (ՈՒԵՖԱ) նախագահի պաշտոնում՝ երկրորդ քառամյա ժամկետով։
Առանց այլընտրանքի անցկացվող ընտրությունները տեղի են ունեցել Փարիզում՝ ՈՒԵՖԱ-ի կոնգրեսի ժամանակ։ Քվեարկությանը մասնակցել են եվրոպական ազգային ասոցիացիների 53 ներկայացուցիչներ, հաղորդում է «ՌԻԱ Նովոստին»։
Պլատինին ՈՒԵՖԱ-ն ղեկավարել է 2007թ.-ին՝ ընտրություններին հաղթելով շվեդ Լենարտ Յուհանսոնին, ով նախորդ 16 տարիների ընթացքում Եվրոպայի ֆուտբոլային մարմնի նախագահն էր։
Պլատինին անցյալում ականավոր ֆուտբոլիստ է, Ֆրանսիայի հավաքականի նախկին ավագը։ 1984թ.-ի Եվրոպայի չեմպիոն է։ Թուրինյան «Յուվենտուսի» կազմում կրկնակի Իտալիայի չեմպիոն է դարձել՝ նվաճելով եվրոպական առաջնությունների Գավաթը։ 1983, 1984 և 1985 թվականների Եվրոպայի լավագույն ֆուտբոլիստն է։
Մարզական կարիերայի ավարտից հետո Պլատինին մարզել է Ֆրանսիայի հավաքականին, այնուհետև ղեկավարել է աշխարհի առաջնության-98 կազմակերչպական կոմիտեն։ -0-
