Լևոն Արոնյանը պահպանում է առաջատարի դիրքը «Ամբեր» շախմատի մրցաշարում
21.03.2011,
10:25
Լևոն Արոնյանը պահպանում է առաջատարի դիրքը «Ամբեր» շախմատի մրցաշարում
ԵՐԵՎԱՆ, 21 մարտի. /Նովոստի-Արմենիա/. Հայ շախմատիստ Լևոն Արոնյանը ութ փուլերից հետո շարունակում է գլխավորել Մոնակոյում անցկացվող «Ամբեր» շախմատի հեղինակավոր մրցաշարի աղյուսակը, հաղորդում է մրցաշարի պաշտոնական կայքը:
Կիրակի Արոնյանը «կույր» շախմատի մրցապայքարում ոչ-ոքի է խաղացել աշխարհի չեմպիոն հնդիկ Վիշվանաթան Անանդի հետ, այնուհետև պարտության է մատնել նրան արագ շախմատի մրցապայքարում:
Լևոն Արոնյանից կես միավոր տարբերությամբ հետ է մնում Մագնուս Կառլսենը, ով նմանատիպ հաջողության է հասել բուլղարացի Վեսելին Տոպալովի հետ մրցապայքարում: Ութ փուլերից հետո Արոնյանը վաստակել է 11,5 միավոր, Կառլսենը՝ 11 միավոր:
227 հազար եվրո մրցանակային ֆոնդ ունեցող «Ամբեր» մրցաշարը կավարտվի մարտի 24-ին:-0-
Պատճենել հղումը
