Տասնչորսամյա գեղասահորդ Սլավիկ Հայրապետյանն աշխարհի պատանեկան առաջնությանը հանդես գալու իրավունք է ստացել, հաղորդում է ՀՀ ազգային օլիմպիական կոմիտեի մամուլի ծառայությունը։
Փետրվարի 2-6-ը Լյուբլյանայում կայացած ընտրական մրցաշարում երկրորդ տեղը զբաղեցնելով՝ Հայրապետյանն աշխարհի առաջնության ուղեգիր է ստացել։
Մարզիկի ավագ եղբայրը՝ 18-ամյա Սարգիս Հայրապետյանը, նույնպես վստահ է հանդես եկել՝ եզրափակելով լավագույն հնգյակը և Տոկիոյում մարտին կայանալիք աշխարհի առաջնությանը հանդես գալու հնարավորություն ստանալով։
Աղջիկների մրցախաղում հանդես եկող 14-ամյա Մարթա Գրիգորյանն աշխարհի առաջնության ուղեգիր է ստացել, որը կանցկացվի փետրվարի 26-ից մարտի 6-ը Սեուլում։
Հայաստանը ներկայացնող մյուս մարզուհին՝ Անժելա Մկրտչյանը, 28-րդ տեղն է զբաղեցրել 40 մասնակիցների ցուցակում։ -0-
