Ռուս թենիսիստ Մարիա Շարապովան հաղթանակ տարավ իր կարիերայի 16-րդ մրցախաղում

Ռուս թենիսիստ Մարիա Շարապովան հաղթանակ տարավ Սան Դիեգոյում (ԱՄՆ) տեղի ունեցող թենիսի կանանց ասոցիացիայի (ВТА) առաջին կատեգորիայի մրցախաղում, որի մրցանակային ֆոնդը կազմում է 1,34 միլիոն դոլար։

Ինչպես տեղեկացնում է «ՌԻԱ Նովոստին», կիրակի եզրափակիչ խաղում Շարապովան, ելույթ ունենալով մրցախաղի առաջին թենիսիստի կարգավիճակում, երեք սեթերում կոտրել է շվեցարացի Փաթի Շնիդերի դիմադրությունը։ Ռուս թենիսիստը հաղթանակ է տարել 6։2, 3։6, 6։0 հաշվով։  

Այս տիտղոսը 2007 թ.-ին Մարիա Շարապովայի համար առաջինն է։ Անցյալ խաղաշրջանում նա նույնպես հաղթանակ տարավ Սան-Դիեգոյում տեղի ունեցած մրցախաղերում։ Ընդհանուր առմամբ 20-ամյա սպորտսմենուհին ունի 16 հաղթանակած մրցախաղեր։

Շարապովան սպորտ վերադարձավ ուսի հետ կապված խնդրից առաջացած որոշ ընդհատումից հետո։ Նրա խոսքերով, Սան-Դիեգոյի մրցախաղը լավ նախապատրաստում կլինի ԱՄՆ-ի բաց չեմպիոնատից առաջ։ «Անցյալ տարի ես հաղթանակ տարա այստեղ, այնուհետև US Open-ում, ապա ինչու՞ նույն ուղով չգնալ նաև այս անգամ», - մեջ է բերում «Ռոյթերը» Շարապովայի խոսքերը հաղթանակից հետո։--0—