ԵՐԵՎԱՆ, 5 սեպտեմբերի. /Նովոստի-Արմենիա/. Ռիո դե Ժանեյրոյի 31–րդ ամառային օլիմպիական խաղերի հայ մեդալակիրների պարգևատրման հանդիսավոր արարողությունը կկայանա Ա.Սպենդիարյանի անվան օպերայի և բալետի ազգային ակադեմիական թատրոնում սեպտեմբերի 18–ին։
Այդ մասին երկուշաբթի ասաց Հայաստանի օլիմպիական կոմիտեի գլխավոր քարտուղար Հրաչյա Ռոստոմյանը։
«Մեր մեդալակիրները ՀԱՕԿ–ից պետական պարգևները կրկնակի գերազանցող պարգևավճար կստանան»,– ասաց Ռոստոմյանը։
ԶԼՄ–ների տվյալներով, կառավարությունն օլիմպիական չեմպիոն Արթուր Ալեքսանյանին կվճարի 20 մլն դրամ (ավելի քան 42 հազ դոլար), իսկ արծաթե մեդալակիրներին` 15 միլիոնական դրամ (ավելի քան 31 հազար դոլար)։
Ռոստոմյանի խոսքով, պարգևատրման հանդիսավոր արարողությանը սպասվում են նաև անակնկալներ, որոնց մանրամասները նա նախընտրեց չհայտնել։
Հայաստանտ Ռիոյի Օլիմպիադայում ներկայացրեց ռեկորդային թվով մասնակից` 33 մարզիկ ութ մարզաձևերում։ Ընդհանուր առմամբ, հայկական հավաքականն այս Խաղերում նվաճեց չորս մեդալ` մեկ ոսկե և երեք արծաթե` մեդալային ստուգարքում նվաճելով 42–րդ տեղը 206 մասնակից երկրների շրջանում։ -0-
Ծանոթացեք լուրերին առաջինն ու քննարկեք դրանք մեր Telegram-յան ալիքում