Բրազիլիան մտադիր է չեղյալ հայտարարել մուտքի արտոնագրերն Օլիմպիադիայի ընթացքում

ԵՐԵՎԱՆ, 30 հոկտեմբերի. /Նովոստի–Արմենիա/. Բրազիլիայի խորհրդարանի վերին պալատը հավանություն է տվել Օլիմպիական և Պարալիմպիկ խաղերի ժամանակահատվածում երկրի ժամանող օտարերկրացիների համար չեղյալ հայտարարել մուտքի արտոնագրերը, հայտնում է Vesti.ru–ն։

Բրազիլիա մեկնելու առանց արտոնագրի մուտքի իրավունք կստանան այն զբոսաշրջիկները, ովքեր երկիր կայցելեն 2016 թվականի հունիսից սեպտեմբեր 90 օրվա ժամկետով։ Հոկտեմբերի սկզբին համապատասխան օրինագծին հավանություն են տվել խորհրդարանի ստորին պալատի պատգամավորները։

Օրինագիծն ուժի մեջ կարող է մտնել երկրի նախագահ Դիլմա Ռուսեֆի հավանությունից հետո։

Նմանատիպ նախաձեռնություն իրականացվել է 2014 թվականի ֆուտբոլի աշխարհի առաջնության ժամանակ, բայց գործել է միայն գոնե մեկ խաղի համար զբոսաշրջիկի մոտ տոմսի առկայության դեպքում։ Արդյունքում այդ ժամանակահատվածում Բրազիլիայում զբոսաշրջիկների ծախսած գումարներն ավելացել են ավելի քան 60 տոկոսով։ -0-