ԵՐԵՎԱՆ, 23 մարտի. /Նովոստի-Արմենիա/. Հայ գրոսմայստեր Լևոն Արոնյանը ոչ-ոքի խաղաց բուլղարացի Վեսելին Տոպալովի հետ Մոսկվայում անցկացվող Շախմատի թագի հավակնորդների տասներորդ տուրում:
Խաղաղ արդյունքով են ավարտվել նաև Սերգեյ Կարյակին (Ռուսաստան) – Անիշ Գիրի (Հոլանդիա) և Պետեր Սվիդլեր (Ռուսաստան) – Խիկարու Նակամուրա (ԱՄՆ) հանդիպումները:
Մրցաշարի ֆավորիտներից մեկը` հնդիկ Վիշվանաթան Անանդն անսպասելիորեն պարտվեց ամերիկացի Ֆաբիանո Կարուանային:
Մրցաշարային տասն օրերից հետո միանձնյա առաջատարը Կարյակինն է 6 միավորով, նրան չնչին տարբերության հետևում են Արոնյանը, Անանդը և Կարուանան: Գիրին ունի հինգ միավոր, Սվիդլերը` 4.5: Կես միավորով պակաս է հավաքել Նակամուրան, իսկ Տոպալովն ունի 3.5 միավոր:
Հավակնորդների մրցաշարը բաղկացած է 14 տուրից, կունենա 4 հանգստյան օր և կեզրափակվի մարտի 30-ին: Մրցաշարի հաղթողը իրավունք կստանա պայքարելու աշխարհի չեմպիոնի Մագնուս Կարլսենի հետ նոյեմբերին Նյու Յորքում կայանալիք աշխարհի չեմպիոնի տիտղոսի համար մրցախաղին:
Հավակնորդների մրցաշարի մասնակիցների վիճակահանության արդյունքները հրապարակված են ՖԻԴԵ–ի կայքում։ Մրցաշարի հաղթողն իրավունք կստանա շախմատային թագի համար մրցել աշխարհի չեմպիոն, նորվեգացի Մագնուս Կարլսենի հետ։ Արոնյանը չորրորդ անգամ է մասնակցում Հավակնորդների մրցաշարին։ –0–
Ծանոթացեք լուրերին առաջինն ու քննարկեք դրանք մեր Telegram-յան ալիքում
